第4至8日,
如是者又樸又打又挨住訓咁又過咗幾日, 今次又頭痕….
轉咗貓砂之後, 包包淚腺有好轉冇咁多眼淚啦~~
轉咗貓砂之後, 包包淚腺有好轉冇咁多眼淚啦~~
不過………………………………….8月21日星期日晚開始痾爛便便…
8月21日見包包個patpat毛同肛門都鯨住好多又黑又乾既便便仲乾咗喺d毛度, 我決定要幫佢抺patpat, 用毛巾同濕紙巾…乾淨咗之後就放佢諗住比d乾魚魚佢食獎勵吓佢… 食咗一陣就走咗…
大概半個鍾頭後, 突然包包連跑帶跳走去屎坑…我仲笑佢好似好急咁好可愛… 但之後幫佢清便便先發現佢痾爛屎… 我同吉爸分析如下…
1. 包包食開Avo Derm Chicken & Herring Meal Formula Adult Cat Food我地想幫佢轉番吉吉食緊果隻牌子Artemis Fresh Mix Audit Cat Formula, 開始撈咗4日糧都冇咩事…
2. 星期日去攞咗吉吉食開果款糧既Kitten裝試轉糧, 因為包包始終係幼貓食幼貓糧營養好D… 諗住佢食哥哥既糧冇問題同一品牌幼貓糧應該都可以…
3. 星期日有兩款新野落肚, 不過我覺得疑凶應該係乾魚魚, 我地之前都有懷疑過乾魚魚令吉吉耳道敏感…
星期一, 放工番到屋企開書房門(換衫房佢好似對某D野敏感係咁眼水鼻水出哂黎, 所以轉咗房))諗住放包包出黎同吉吉一齊玩…一開門………………………成間房都係爛便便… 好明顯包包喺房同圍走…新竇毛巾地下大量爛便便…
我地都唔知點, 決定觀察多幾日…諗住佢食得飲得應該OK…
星期二日頭持續痾爛便, 有D失禁咁, 同圍都有便便明顯係住行住賴控制唔倒自己…
今朝起身見冇咁多便便喺地下啦, 不過周圍搵下屋既角落都仲有D…
打比姑娘問, 佢話餓佢12小時至比野佢食… 應該唔係生蟲因為貓主話上個月尾已經食過杜蟲藥… 應該只係腸胃敏感而肚痾…
包包成個pat pat 既毛都係屎屎…. 而家我每次佢痾完都幫佢抺同索番d乾濕啫喱便…不過都係濕pat一大個…
都係睇醫生穩陣….
好鍾意哩幅, 細佬挨住哥哥
眼仔冇咁腫啦....仲係有d唔慣咁..
排排坐, 懶好咁...
攬住訓...
唔知係lam定係咬...
又捉住唔知係咬定lam....
包包訓喺吉吉竇, 仲一齊訓tim, 不過自從痾爛唔唔事之後都冇啦....
soooooooooo sweet!
回覆刪除以 前 baby 时 期 的 TOTO 和 JELLY 也 时 常 拉 肚 子 ， 不 知 看 了 多 少 次 医 生 ， 后 来 越 来 越 大 就 不 会 了 。
[版主回覆08/24/2011 22:12:51]今晚好好多啦....不過有其他問題....
momo初到我家有時都會爛便便, 有好多可能性, 腸胃敏感, 轉糧, 轉環境都有可能, 之前聽人講, 轉糧要慢慢轉, 先係10比1, 8比2, 7比3, 如此類推, 等佢慢慢適 應, 如果pat pat毛有便便, 可以試用梳梳走, 或剪去較難清潔的毛, 比用毛巾抹乾淨容易, 牠亦冇咁抗拒
回覆刪除[版主回覆08/24/2011 22:16:49]仲未知原因, 已經跟足10比1, 8比2....etc 試....仲係覺得新糧可能敏感...
貓貓疴爛便真係幾頭痛，要搵出佢敏感原，食番佢前主人俾開佢食o既得唔得呢~
回覆刪除[版主回覆08/26/2011 13:14:26]而家食處方糧... 已經冇爛便便, 不過仲係周圍痾... :(
包包咁痾法好可憐, 記住睇醫生
回覆刪除我由細到大, 都唔餵小食俾沙 Dee , 我唔想寵壞佢, 搞到好似媽媽咁揀飲擇食
[版主回覆08/27/2011 23:08:37]食咗幾日處方糧, 比咗一餐乾乾又痾....所以又比番處方糧....煩CC
我丁丁到家陣間唔中都痾爛
回覆刪除[版主回覆08/28/2011 22:59:22]Oh...My God... 希望你快d搵倒原因啦~~~
[Carmen回覆08/28/2011 15:59:47]原因不明!
[版主回覆08/27/2011 23:09:21]知原因嗎...?
我乡下有一习俗，带新猫进家找块碎石给喵咪搽拭patpat，猫咪就会乖乖固定大小便地点
回覆刪除[版主回覆08/27/2011 23:27:52]包包其實識去所所開大開細都自己入去.... 所以我覺得佢係因為肚痾而控制唔倒自己.....不過冇爛便便既時候都會行行吓跌咗小粒小粒便便出黎...
陰公豬囉, 眼仔腫哂.....心痛呀, 呢幾日點呀...
回覆刪除吉吉應該接受咗包 B 嫁啦...
記得呢記細時, D貓糧有D 奶粉黐住, 食嗰陣加小小水.....
[版主回覆08/28/2011 23:06:06]係呀... 慘慘豬...希望快d好番...... 點解貓糧有奶粉...?
係呀...専比貓B奶食.....唔知香港有冇得買....
回覆刪除[版主回覆08/29/2011 14:19:08]oh... I...C....
轉糧和小魚仔都會導致爛便便架，所以食物以簡單為主，岩就5好轉喇
回覆刪除[版主回覆08/29/2011 16:02:43]包包而家嘴仔周圍開始甩毛。。可能係情緒病，唔開心！( ; _ ; )/~~~
[Loggie回覆08/29/2011 15:18:53]我兩件由BB到e+都食同1只貓糧，之後加了1餐罐罐，佢兩件除在番黎小小手尾執番外，1年半都未病過喔，
[版主回覆08/29/2011 14:18:45]係呀...我而家都本住哩個宗旨...不過5個月大食成貓糧...唔會營養不足咩...?
真係要攪清楚包包係咩原因痾囉
回覆刪除[版主回覆08/29/2011 16:04:31]仲食緊處方糧，食返正常先知（−＿−；）
包包無咩事啦嘛？
回覆刪除[版主回覆08/29/2011 22:45:12]手尾可能頗長.... 慘慘豬.....;(