他們是這樣長大的...

希望貓友唔會覺得太悶啊....
真係好想同你地分享三小豬既相處同成長....
麻煩咪掟蕉呀!!!

相片日期: 於4月25日及之前

皇魯家的小豬s

各位朋友.... 燈燈燈凳.....等我介紹下禾的三小豬: 
(以上照片攝於1月21日-4月25日 即3.5月至6.5月大)

三隻小豬的小檔案:

名字: 皇魯吉 (吉仔, 吉吉, 仔仔)

由來: 2011年5月10日回家變成媽媽既皇帝仔, 粗魯, 原本叫黑仔為左令佢容易適應新名所以叫吉仔

年齡: 估計2010年5月出世
性別: 男仔

特徵: 長髮, 額頭中間有一住仔白色毛好似少年包青天, 手仔腳仔帶左白手襪仲著埋禮服添!

體重:  約8kg

性格: 高傲 ★★★☆☆謹慎 ★★★★☆文靜 ★★★★☆八卦 ★★★★☆咀刁 ★★★★★為食 ★★★★★善良 ★★★★☆愛心 ★★★★☆潔癖 ★★★★★大膽 ★☆☆☆☆

名字:  皇魯蛋(蛋蛋)

由來: 成隻啡色蛋咁又圓碌碌,BB時期已經中央肥胖

年齡: 2011年10月6日出世
性別: 男仔

特徵:  短髮, 啡蛋咁既色, 仲愈來愈啡!  比滴耳EE笑佢大鼻窿, 哼! 不知幾可愛呀!

體重:  約4kg

性格: 高傲 ★☆☆☆☆謹慎 ★☆☆☆☆文靜 ★☆☆☆☆八卦 ★★★★★咀刁 ☆☆☆☆☆從來唔揀飲擇食,好乖!為食 ★★★☆☆善良 ★★★★☆愛心 ★★★★☆潔癖 ★☆☆☆☆大膽 ★☆☆☆☆

名字:  皇魯柚(柚柚)

由來: 淺色過蛋蛋, 成隻紅肉西柚咁圓碌碌,返哩之後冇瘦過!

年齡: 2011年10月6日出世
性別: 男仔

特徵: 短髮, 超厚毛, 比蛋蛋淺色, 愈大愈淺色, 外掛第六隻腳趾, 下巴奶白色, 非常圓潤!

體重: 約4kg

性格: 高傲 ★☆☆☆☆謹慎 ★☆☆☆☆文靜 ★★★★☆八卦 ★★★★★咀刁 ☆☆☆☆☆從來唔揀飲擇食,好乖!為食 ★★★★★善良 ★★★★☆愛心 ★★★★☆潔癖 ★★★★★大膽 ★☆☆☆☆

註:

★ ★★★★程度最高

☆☆☆☆☆程度最低

事後張揚 之 甩轆

跟住落哩既日子，有領過野既貓友應該相當理解有幾忙同要幾小心。

金錢癬 - 食藥水，擦藥膏加用去癬液沖涼！

感冒 - 早晚食朱古力

眼綠色分泌 - 早晚眼藥水

眼水 - 晚用綿花捧輕輕吸乾，有時乾硬左就用綿花捧沾食水放軟再吸乾，仲日日有鼻屎仔呀！（品種問題，要等絕育時一氣通淚線）

全家進入高度戒備中，紅色警號即時生效因為金錢癬同感冒都有高傳染性而且金錢癬會惹人。。。

1／    豆豆當時已經自由行，所以將佢既舊居 ---＞ 廚房---＞用哩裝孖仔用趟門全面隔絕唔準同吉豆有任何接觸！

2／    每日限入去兩次！

3／    朝早餵糧、執便便、食藥、滴眼同安撫（好Q早就要起身）；

4／    晚黑餵糧、執便便、食藥、滴眼、抺面、梳死毛、洗患處、擦葯膏！

5／    每次出入都要換衫！

6／    隔幾日用照銀紙機照下癬康復進度！

足足兩個月，終於都冇事啦！由紫外光下既聖誕樹變返冇哂熒光綠既BB啦！

從一月起豆豆走左之後，我唔知有冇人會理解到我地果種緊張、絕望、恐懼、意志消沈、無助同悲傷，真係超辛苦!!
吉爸比左兩條路我揀：一係送蛋蛋柚柚比人因為我唔想佢地一齊生活令任何一方有壓力跟住病又再黎過；一係間開個廳分開養直至佢地同吉吉差唔多大！

我冇諗過放棄養大佢地，間開養有咩問題？  我對佢地既承諾係一生一世，冇變過！

我地叫師傅喺廳度間左間玻璃牆加趟門，咁可以成日見佢地之餘唔使佢地喺廚房咁細空間，而且佢地一日大過一日大得好快，廚房亦將會唔夠住！

將佢地由廚房搬出廳之後，佢地都自得其樂有伴係好好多，真係！金錢癬同感冒都已經好番哂而且愈來愈肥^^

係咪間開真係做啱左？  唔知！  不過睇住佢地成長果種感動，冇野可以比！  錢同空間又算得係D咩野？

二月頭佢地好番哂之後開始有限度開門比大家交流認識！起初半個鐘慢慢每日加時間，而家朝早返工前我放九個字，放工之後放直至我地訓！我地都仲未放心我地唔喺屋企放三隻一齊，畢竟體型仲係有距離，陣間打架唔贏有壓力又病咪屎？咪攪！

(攝於1月15-22日, 當時3個半月大)上集請按此