自家抗金錢廯...

上年開卜以來都有睇肥腩媽個卜, 不過升級之後就唔見左佢個卜啦......以下係之前覺得好有用copy左落哩珍藏既----> 自家抗金錢癬實錄!!! 茅樹茅樹, 唔係吉吉有癬.... 只係近來有FB友同貓友領左哩件麻煩野....
如果攪極都唔掂, 不防試下....

給肥腩媽的話: 如果有幸你見倒哩則卜, 請原諒冇問準你....

轉載自肥腩媽舊卜....

相信各位貓奴一聽金錢癬, 就即刻頭都痛埋. 其實大家唔駛甘驚, 金錢癬o係人同貓來講都唔係難醫o既病. 肥腩媽同屋企四隻貓都受過佢o既侵襲, 不過好彩肥腩媽搵到o的天然療法, 貓貓好快好返同無再返發. 之後都有介紹過呢o的方法俾幾個卜友, 聽到佢o地o既貓貓好返晒, 我都好開心, 所以今次再總括出一個卜, 分享一o下怎樣利用天然療法醫金錢癬. 希望多個參考, 幫到大家.

1. 首先了解點解會生金錢癬:

金錢癬又稱為環癬，是一個個圓形的紅色印，是受真菌所感染的皮膚病. 金錢癬o既真菌其實存在於四週, 當貓o既抵抗力減弱時, 就好大機會受感染. 患處多數會甩毛及紅腫.

2. 怎樣知貓貓染有金錢癬:

用普通照銀紙用o既紫外光燈(左邊o個個係用濕電, 右邊o個個係用乾電, 肥腩媽覺得濕電個會襟o的, 乾電o個個時常電池都接觸不良), 照於貓身上 (在黑暗環境照最好). 如有一點點螢光, 怎掃都掃唔甩, 就係有金錢癬菌.

3. 對付貓身上金錢癬方法:

1) Malaseb - 相信呢支 shampoo 好多卜友都見過, 係用來幫貓貓沖涼, 從而殺死身上o既癬菌. 獸醫多數都會開呢支shampoo 俾貓貓沖涼. 獸醫通常建議幫貓貓全身洗, 不過如果唔係太多範圍有癬, 凈係洗患處都足夠 (貓貓成日沖涼都唔開心啦). 但係一定要過乾凈水, 因為malaseb 本身係有毒, 俾貓貓 lam 到就好大件事.
 

另外多謝歌利亞蘿蔔絲 補充, 記緊幫貓貓用完呢支shampoo要吹乾. 如果你係局部洗, 你可以用廚房盡可能吸乾貓貓o既毛 (因為貓貓可能好驚風筒).

呢支 shampoo 可於獸醫到買.

2) Vetex skin lotion - with tea-tree oil - 呢支係 lotion, 通常我幫貓洗完malaseb 之後, 就用棉花濕o的來印在癬位上. 佢有茶樹成份, 茶樹係有殺癬o既功效, 每日搽兩次會效果好o的. 因為多數貓都唔喜歡茶樹味, 所以當搽完之後, 可以防止貓貓 lam 癬位, 一舉兩得.

呢支 lotion可於petline 到買.

3) Echinacea Root Complex (紫錐花) - 之前提過, 貓因為抵抗力差, 易受感染, 紫錐花係天然草藥, 有幫助提高貓貓免疫力.  我多介紹呢款係膠囊包住藥粉. 如果貓貓係初起及嚴重, 可每天俾 1/4 混落濕糧俾佢食, 食七天之後, 最好停三日, 之後再俾七日, 如是者, 當貓貓差唔多好返, 就改為俾1/6 粒, 俾到佢好返晒就可以停服.

紫錐花係天然草藥, 所以絕對唔會有副作用, 如貓貓病時, 可以安心俾貓貓服用.

呢款 supplement 可係屈臣氏 or 萬寧買, 好多時都有減價ga, 等減價先買呀!

4. 對付人身上金錢癬方法:

呢個方法係於網上見到, 肥腩媽之前受金錢癬所困擾多達8個月, 睇過三個醫生, 搽o左好耐藥膏都唔好. 不過用o左以下呢個方法, 係短短一個月內好返晒.

1) Apple Cidar Vinegar(蘋果醋) - 用化妝棉濕少許蘋果醋, 敷於癬患處上 15 分鐘, 每日兩次. 要提一提, 有傷口不能使用呢個方法, 因為蘋果醋會刺激傷口. 正常來講, 敷完之後, 癬患處會好紅, 隔一陣會回復正常. 當敷o左約 5 日, 癬患處會開始收乾水吸甩皮, 呢個係代表o的癬菌已死, 不過安全起見, 再敷多兩日 (前後一個星期).

呢支醋係百佳 or 惠康都有得買.

2) Jojoba oil + Tea tree oil(茶樹油) + Lavender oil(薰衣草油) - 將一滴薰衣草油, 一滴茶樹油及一茶匙jojoba 油搞勻, 睡前薄薄搽一層於癬患處.

呢o的 essential oil 可於 jurliqiue 或者其他有essential oil 賣o既地方都有!

以上兩點都要同步進行, 如一個星期後癬患處開始收乾水,就可以唔駛用蘋果醋敷, 凈搽精油已可以.

5. 家居清潔:

另外更加要注意家居清潔, 雖然金錢癬菌平日o係四週都有, 但當貓貓有癬時,  大家可以用1:99 漂白水來拖地, 不過之後一定要用清水拖乾凈, 以防貓貓lam o左未乾o既票白水. 又或者大家可以用一隻叫virkon o既洗地粉來開水打掃屋企. 貓貓有癬就最好每天用消毒用品抹屋企一次.

以上資料只作參考. 如大家有唔明地方, 請留言, 肥腩媽會盡快幫大家.  (失綜人口.....)

參考網址:

http://www.fabcats.org/owners/skin/ringworm.html

http://www.cat-world.com.au/Ringworm.htm

http://www.lacetoleather.com/ringworm.html


*************************************

我屋企之前都受哩家野困擾成2個月至攪掂哂, 係睇醫生好番既, 再唔好就要用哩個方法啦!