顯示具有 ★ ★ 我的豆豆豬 標籤的文章。 顯示所有文章
顯示具有 ★ ★ 我的豆豆豬 標籤的文章。 顯示所有文章

2013年1月10日 星期四

好想你...你知道嗎?

我的豆豆豬…今天是你離開媽媽一年的日子…




你知道媽媽有多想你嗎?每次坐在地毯上,
都仍然想起你會跑上來我的腿上坐下然後看看我…悠然自得的躺下…我的可愛小豆豆…


你知道嗎?只有你會愛媽媽抱…只有你愛在被窩和媽媽睡…只有你才這樣愛嗲媽媽…只有你愛在媽媽懷中熟睡…嗲得媽媽今天仍然那麼想你掛念你懷念你…媽媽不在身邊…你有想媽媽嗎?
媽媽好想你…特別是在冬天…你那麼怕冷,如果你還在,應該會常擁著哥哥們睡吧!
或常鑽進媽媽的被窩內…
媽媽真的好想念你啊…

2012年1月21日 星期六

小豆豆










我以為,我以為,我以為。。。

沒有以為,沒有奇蹟,什麼都沒有。。。

我的小豆B, 多謝您吿訴媽媽,貓貓原來是會很親人很嗲嗲。。。見媽媽坐著,您永遠主動爬上媽媽身上找個合適位置坐好。。。只是想貼近媽媽。。。媽媽永遠雀躍地迎接您這個小可愛。。。好愛好愛您。。。我的小小豆!

記得某天早上媽媽進房更衣上班,您跟著媽媽後面進房而且不斷叫著,媽媽奇怪您想怎樣。。。您在房中走來走去找地方爬得高一點。。。然後向著我仍然不斷叫。。。媽媽不明白您想怎樣便抱您入懷。。。怎料原來您只是撒嬌要媽媽抱。。。好窩心的小東西。。。媽媽好想念您啊!

多少個寒冷的晚上,你會抓著被單跳上床和我一起睡。。。當您還動的時候... 您在被內媽媽常常怕你沒空氣。。。但原來只有媽媽在擔心,你卻睡得香甜。。。沒那麼冷的時候,您會學著媽媽睡枕頭身子就趟在媽媽的肩上。。。好可愛。。。小小的身子大了一點點但肯定不是正常小貓成長的速度。。。您不會知道媽媽有多心痛。。。

那幾天,你又不喝但有吃一點點。。。唯有早晚灌針筒糧給您吃。。。最少有力抗病。。。我想:還可以。。。

那幾天,您開始尿尿在地上。。。媽媽知道您好愛乾淨堅持要到所所便便。。。媽媽知道你一定是在窩內太久沒出來有點腳麻痺痺。。。所以走不遠吧。。。

那幾天,媽媽再找了一個更大的箱放了小小的砂盆,水水和糧糧放在您竇竇旁方便你兩步便走入箱尿尿,亦可方便吃吃喝喝,如果您想吃,更可以擋風防寒。。。再在梳化下加了自製小樓梯方便你從竇竇到地毯。。。小小豆好聰明懂得去尿尿和依著抓板一級一級慢慢下來啊!您是多麼的聰明又逗人喜歡啊。。。

那幾天,你雙腳似乎已漸漸嚴重無力。。。跌跌撞撞如醉酒般走出來迎接媽媽下班。。。您不會知道媽媽有多心痛但仍得笑著迎接您。。。怕被您發現媽媽好擔心。。。你那麼小,怎會知道自己身體有毛病呢?

那天的前一晩,下班回來您有點不一樣,從竇竇走出來一跌一跌的半爬著似乎想到處走走。。。您拐拐跌跌踫踫的爬走著之後索性用手用力爬著,我本想您自己堅強站起來。。。但真的看不下去。。。一手便抱您入懷帶您去你最愛的魚魚抓板,再抱您四處走了一圈。。。之後您似乎很滿足的吃多了一點點然後又睡了。。。

那天早上,爸爸在梳化上餵您吃,您見媽媽換了衣服要上班,您突然心急起來,推開爸爸的針筒想跳下地毯。。可是忘了腳腳已走不動。。。媽媽看著您從梳化跌下去第一級抓架再像小球般滾下去地毯上,我嚇得叫了出來。。。跑去看您才發現原來您已經連轉身坐起來都不能了。。。您就是那樣側躺在地上努力的想轉起身來。。。但連坐也坐不成。。。您的雙眼是多麼的堅定。。。身體卻是那麼軟弱無力。。。淚已奪眶而出抱起您,您定眼看著我滴下的涙。。。樣子似在吿訴我:媽媽為什麼面面有水滴在我身上。。。媽媽知道您已經很努力抗病,但可能你太小了。。。根本無能為力。。。

媽媽好愛您,媽媽也感到您好愛我們。。。媽媽能為您做的亦只有這些。。。我的小寶貝。。。一路好走。。。。

我給了您一個家,你卻給了我無限的被愛感覺。。。多謝您,我的寶貝兒!!

我們這次沒有再給任何保健品小小豆吃,上次包包吃了靈芝後便抽筋。。。所以我想每天的消炎藥對小小豆您已經夠多了。。。我只想您多吃多喝。。。以為會有奇蹟!

但腹膜炎的奇蹟。。。根本從沒發生過在任何貓貓身上! 是我太天真一廂情願以為奇蹟不發生在包包身上但會發生在您身上。。。。媽媽沒用,幫不了您。。。

媽媽永遠愛您。。。好愛好愛您我的寶貝兒子!
2012年1月10日.... 我的小皇豆到了彩虹橋找包包了...
blog友們, 對不起....沒有常常更新.... 早在上月中其實已確診了....我以為不寫那麼多會有奇蹟.... 可是....小皇豆還是走了。。。腹膜炎
















聖誕後還有一點走動的小豆....



















已經雙腿麻痺....








只在豹紋竇內抱著小兔兔作伴.....









每天只在窩內休息的小豆豆.....










媽媽抱了小豆豆上床一起睡.... 小豆豆....我的小豆豆.....








我們的親密照......











豆豆又在媽媽的腩腩.....睡了....









好好休息吧小豆豆.....爸爸說是媽媽拍得太多....拍走了兒子的魂魄...









只可以趟著....








只可以爬.......








最後的小豆豆.....




哥哥常伴著小豆豆.....














2011年12月24日 星期六

發燒

我已經冇成日寫豆豆既事,怕小氣! 之前包包既時候可能寫得多所以出事!

貓貓返黎既必經階段好似係病。。。好無奈!

豆豆發燒了!

發燒對貓貓黎講其實好危險,唔大鑊都唔會發燒,所以包包以前都發下停下發下停下。。。

可能小豆豆太早離開媽媽所以抵抗力差D.... 好擔心,不過今次比上次鎮定好多。。。都係果句是福不是禍。是禍躲不過!如果我屋企新貓真係命運如此,我除左盡量醫佢,愛佢,保護佢,令佢開心,比佢最愛既糧佢。。。除左咁唔知仲可以點....!

可能係咩病都好!我唔理!只要你食得訓得痾得我就覺得OK!



豆豆返黎之後2星期突然天氣轉凍開始發燒.... 好驚又係FIP... 豆豆成日成身震哂...




用襪整左加加加細碼衫仔迫弄豆著...(在媽媽腩腩中京熟睡中...)






開始既時候唔食唔飲, 我地強餵RECOVERY處方濕糧同水.... 兩個鍾食3ML.... 同吉包爸輪流成個星期冇返工... 只要豆豆好番....




唔愛著衫.... 一星期後開始自己食返野.... 好彩... 怕佢凍整個箱比佢瞓....另一邊放長糧等佢成日有野食...哥哥食唔倒佢D糧攪到肚痾....





精神番D啦...不過開始爛便....




精神仲未回番以前咁....





今日平安夜.... 豆豆依然爛便.... 不過形狀好過尋日...




唔可以偏心.... 我既靚仔.... 好靚仔啊!!!!!!!!!



反肚之王......





久違了的精神樣.... 開始八啦....不過都唔係好玩....




之後我想試的療法: 按此

2011年12月2日 星期五

領養都要有準備...







豆豆已經習慣左訓自己既山洞.....







周圍八...周圍摸... 周圍跳.... 百厭到暈....






超痴人... 喺爸爸肚 腩坐喺度都訓得著....







成日撩哥哥... 又要哩埋..... 撩事鬥飛小惡霸...






終於訓啦.... 靜哂.....






訓醒又八過........................






媽媽塊面唔知有咩...望到爭D差錯腳.....受寵若驚啊....





吉吉:  豆豆做緊咩呢...?.







爸爸同佢玩手指............







我的美男子.....






心情勁靚咁喎........







肉緊中..............


心理準備:一個15至20年既責任!要照顧豆豆既感、老、病、死!

家居準備:令豆豆有自己既樂園。。。而唔係一個只係放倒砂盤同小小空間走動既監獄------籠。。。吸取到教訓,好憎個籠!!!

知識準備:貓貓既眼、耳、口、鼻、毛、動靜都可以話比人知佢健唔健康! 除左睇貓友Blog去了解仲買左書s睇,起碼知基本!

眼睛:要清澈明亮,唔怕光,冇眼淚,冇分泌物,而且冇發炎!

嘴仔:嘴仔周圍乾亁淨淨,冇口水或者殘留既食物,口腔入面係粉紅色既,冇口臭(有口臭會可能內臟或者牙齦有事),牙仔要雪白!

耳仔:要乾淨冇耳屎,可以按摩一下耳後部分既軟骨,如果反抗得緊要即係可能耳有蚤或者其他寄生蟲!正常按果個位貓地都受落架!

毛毛:要有光澤同柔順,要逆毛翻起睇下有冇黑點,如果深色貓就要自己帶蚤梳逆毛梳下!

Pat Pat:肛門要緊閉,乾淨,周圍既毛無便便痴住!

領養前即使貓貓真係有咩事,只係用黎作為同屋企仔仔隔離幾耐既指標並唔會因為有病而唔要佢,只要鍾意,最多咪醫囉!


豆豆已經打左第一針, 滴左revolution... 醫生話豆豆好健康... 以上指標都符合哂....

頭3日周圍摸周圍攪, 冇咩訓... 確定係屋企之後....終於似番隻BB... 一日訓成10幾20個鐘....





2011年11月24日 星期四

小小B....










小小B已改名為豆豆....由於吉吉姓皇....所以豆豆全名應該係皇豆豆.... 簡稱皇豆....

之後再講領養的故事....

巧合...?  定又係緣份...?













坐監中....




















吉吉探監中.....





小小B應該未夠一個月大便被棄置在一個發泡膠盒內還用木板蓋住,外有一罐成貓濕糧。。。好心哥哥帶了牠回家暫托待領養,聽附近的涼亭老伯說是放養!

什麼是放養??
放養是這樣的嗎???
為什麼幾百元也不帶貓貓去絕育?? 生了又不顧!!!
小生命是多無辜呢!!!




小小B就係喺入面......人渣!!!!!!!!!






當時既小小B.....




有日見倒卜友留言話:「盡快養返多隻,對人對貓都好」哩兩句一直喺腦內浮現,本來諗住唔再加貓既我,突然開始諗。。。係咪真係會好D?

之後喺FB內見倒小小B,好似包包呀!!係感覺。。。問執左小小B暫托既好心哥哥可唔可以領養。。。佢話已經有人要左,下星期家訪後就出貓。。。噢!遲咗!!(吉包爸冇咩反應,佢比較想要有品種既。。。我覺得!)

我開始有D顛左,上領養網睇貓,原來好多所謂領養都係賣貓,不過我都唔理又打電話又Email, 不過幾日都冇人覆。。。

吉包爸開始搵包包前媽,問有冇貓唔要,冇消息!

去診所問好熟果個姑娘有冇客唔要貓或賣貓,佢比左2個電話我地,賣貓既,打左一個,佢話攞去地鐵站比我地睇!下???係咪一個紅白藍幾隻果D???? 朋友買狗試過!  不過我過唔倒自己!算啦唔睇啦!

過左2日,包包前媽突然打黎話佢有隻貓賣左比朋友,不過兩個星期以黎屋企個2歲小朋友貓毛敏感,就算鎖喺第二間房都唔掂所以放返佢度寄賣。。。問我地要唔要! 我地想當晚睇佢唔得閒,結果第二晚睇貓!佢比多一隻我地睇,一隻忌廉色,一隻藍色,都好可愛! 吉包爸貎似鍾意忌廉色,不過怕好似包包咁因為有D眼水,自從包包後我地對貓眼同鼻水都好驚。。。一朝被蛇咬,三年怕草繩。。。

吉包爸同佢講我地聽日覆佢要邊隻,諗住要藍色果隻!

第二朝,好心哥哥突然FB我話領養者冇覆佢話如果聽日再唔覆我就可以領養。。。咦?時間啱啱好喎~~如果佢遲2個鐘MSG 我,我已經買左藍英短啦!

即晚我要求睇小小B, 上左好心哥哥屋企睇,好可愛超級活潑! 睇完小小B確認領養之後,前領養者突然回覆好心哥哥,叫佢星期六去家訪。。。好彩又係早左睇同確認。。。

我總覺得廚房係好危險同埋如果有新貓可以做佢間玻璃房,隔住相處好D...搵左好耐至搵到吊趟門。。。要裝兩星期,去完印度出差4日接小小B返屋企時間啱啱好!^^

咁。。。係巧合定緣份?






開放式BYE BYE~~~






凳凳凳凳.......吊趟門!!!!!!!!







Related Posts Plugin for WordPress, Blogger...

搜尋此網誌