2012年6月29日星期五

事後張揚之迷信

先要多謝多位貓友厚愛，一直有不同既貓友叫我領養貓貓，但係我唔可以！因為有兩位小朋友已經番哩7個月了, 吉爸唔準我公開直至佢地絕育後!!

熟皇魯家既卜友應該都計倒....係.... 係同小豆豆差2星期左右入門...

信我！自從豆豆病左之後哩幾個月絕對唔易過！每日擔心同埋學放鬆中渡過，過一日開心一日，每日都好期待BB長大！

貓友們建議豆豆走後三個月至半年先好加貓，但係當時唔講得怕小氣！

唔到我唔迷信，次次張揚都冇好結果！吉爸直情唔比我影相話我攝走D仔既魂魄！好似好跨張不過但求安心，我無異議！！！正如好似一個人患上重病訪遍名醫都醫唔好就會開始相信隱世神醫一樣！事已至此唯有靠迷信啦！我理解唔係咁多人明白哩種心情。。。

不過當時我都冇想過唔要佢地！點都唔會放棄!

其實豆豆返哩十日左右，包包前媽既朋友有一胎貓五隻唔要，想搵會好好照顧佢地既人，有幸佢打比我地！我地個心好忐忑，點算好？我覺兩隻其實夠啦，只係希望佢地有個伴！但原來吉爸覺得三隻好D.......結果去左睇貓-_-!

吉爸一見倒柚柚就叫左出黎，成個細路咁，好好笑！果時柚柚得吉爸手掌咁大，小小肥圓圓咁好可愛-----好似包包----因為諗起包包一隻貓仔返黎冇伴驚到病，養者又叫我地盡量要，我地決定要埋同佢感情最好既兄弟蛋蛋，蛋蛋都超可愛，好活潑好開心，而且比較大佬D，柚柚比較細膽怕事但好痴蛋蛋！

蛋蛋柚柚番黎有皮膚病甩毛甩到一撻撻，蛋蛋比較嚴重有成七八個地方甩毛，柚柚就三四撻！再望真，有鼻水同眼水，應該係感冒！但冇影響到佢地既活潑！超百厭呀！

我地猶豫，不過如果唔要佢地真係唔知會點。。。諗深一層皮膚病又唔係咩大件事，感冒又唔係大病，有咩問題？所以夾左佢地走，最衰屋企細唔係五隻要哂！！！
講笑姐，邊照顧倒咁多！有多兩隻倍豆豆一齊長大都好，見佢都有D驚哥哥！畢竟身型上可能相差大，哥哥同豆豆玩又唔係好識就力。。。

但一望就知起碼要等多兩個月至可以比豆豆同蛋蛋柚柚玩！

以下按時間排序:

(攝於12月4日-1月13日, 當時2-3個月大)

待續...

2012年6月21日星期四

自家抗金錢廯...

上年開卜以來都有睇肥腩媽個卜, 不過升級之後就唔見左佢個卜啦......以下係之前覺得好有用copy左落哩珍藏既

----> 自家抗金錢癬實錄!!! 茅樹茅樹, 唔係吉吉有癬.... 只係近來有FB友同貓友領左哩件麻煩野....
如果攪極都唔掂, 不防試下....

給肥腩媽的話: 如果有幸你見倒哩則卜, 請原諒冇問準你....

轉載自肥腩媽舊卜....

相信各位貓奴一聽金錢癬, 就即刻頭都痛埋. 其實大家唔駛甘驚, 金錢癬o係人同貓來講都唔係難醫o既病. 肥腩媽同屋企四隻貓都受過佢o既侵襲, 不過好彩肥腩媽搵到o的天然療法, 貓貓好快好返同無再返發. 之後都有介紹過呢o的方法俾幾個卜友, 聽到佢o地o既貓貓好返晒, 我都好開心, 所以今次再總括出一個卜, 分享一o下怎樣利用天然療法醫金錢癬. 希望多個參考, 幫到大家.

1. 首先了解點解會生金錢癬:

金錢癬又稱為環癬，是一個個圓形的紅色印，是受真菌所感染的皮膚病. 金錢癬o既真菌其實存在於四週, 當貓o既抵抗力減弱時, 就好大機會受感染. 患處多數會甩毛及紅腫.

2. 怎樣知貓貓染有金錢癬:

用普通照銀紙用o既紫外光燈(左邊o個個係用濕電, 右邊o個個係用乾電, 肥腩媽覺得濕電個會襟o的, 乾電o個個時常電池都接觸不良), 照於貓身上 (在黑暗環境照最好). 如有一點點螢光, 怎掃都掃唔甩, 就係有金錢癬菌.

3. 對付貓身上金錢癬方法:

1) Malaseb - 相信呢支 shampoo 好多卜友都見過, 係用來幫貓貓沖涼, 從而殺死身上o既癬菌. 獸醫多數都會開呢支shampoo 俾貓貓沖涼. 獸醫通常建議幫貓貓全身洗, 不過如果唔係太多範圍有癬, 凈係洗患處都足夠 (貓貓成日沖涼都唔開心啦). 但係一定要過乾凈水, 因為malaseb 本身係有毒, 俾貓貓 lam 到就好大件事.

另外多謝歌利亞蘿蔔絲補充, 記緊幫貓貓用完呢支shampoo要吹乾. 如果你係局部洗, 你可以用廚房盡可能吸乾貓貓o既毛 (因為貓貓可能好驚風筒).

呢支 shampoo 可於獸醫到買.

2) Vetex skin lotion - with tea-tree oil - 呢支係 lotion, 通常我幫貓洗完malaseb 之後, 就用棉花濕o的來印在癬位上. 佢有茶樹成份, 茶樹係有殺癬o既功效, 每日搽兩次會效果好o的. 因為多數貓都唔喜歡茶樹味, 所以當搽完之後, 可以防止貓貓 lam 癬位, 一舉兩得.

呢支 lotion可於petline 到買.

3) Echinacea Root Complex (紫錐花) - 之前提過, 貓因為抵抗力差, 易受感染, 紫錐花係天然草藥, 有幫助提高貓貓免疫力. 我多介紹呢款係膠囊包住藥粉. 如果貓貓係初起及嚴重, 可每天俾 1/4 混落濕糧俾佢食, 食七天之後, 最好停三日, 之後再俾七日, 如是者, 當貓貓差唔多好返, 就改為俾1/6 粒, 俾到佢好返晒就可以停服.

紫錐花係天然草藥, 所以絕對唔會有副作用, 如貓貓病時, 可以安心俾貓貓服用.

呢款 supplement 可係屈臣氏 or 萬寧買, 好多時都有減價ga, 等減價先買呀!

4. 對付人身上金錢癬方法:

呢個方法係於網上見到, 肥腩媽之前受金錢癬所困擾多達8個月, 睇過三個醫生, 搽o左好耐藥膏都唔好. 不過用o左以下呢個方法, 係短短一個月內好返晒.

1) Apple Cidar Vinegar(蘋果醋) - 用化妝棉濕少許蘋果醋, 敷於癬患處上 15 分鐘, 每日兩次. 要提一提, 有傷口不能使用呢個方法, 因為蘋果醋會刺激傷口. 正常來講, 敷完之後, 癬患處會好紅, 隔一陣會回復正常. 當敷o左約 5 日, 癬患處會開始收乾水吸甩皮, 呢個係代表o的癬菌已死, 不過安全起見, 再敷多兩日 (前後一個星期).

呢支醋係百佳 or 惠康都有得買.