2011年8月29日 星期一

包包在家的第九至十四日






醫生發現除咗肚痾之外
, 包包兩隻眼仔都發炎, 而且用藍光睇完發現腳仔可能有癬要兩個星期左右先有報告知係咩事   C我地…. 原來一隻貓可以有咁多病…. 不過我地覺得只要營養好D身體好D就會慢慢病痛都少D….希望包包早日康復仲有…. 包包嘴仔D毛甩得好緊要PATPAT周圍甩毛既情況相約…. 好似係因為情緒問題冇得醫…..




食咗2日抗生素同腸胃藥之後包包冇再痾爛CC, 取而代之既係硬CC, 不過都係忍唔住跌出黎細細粒既正餐依然係會返所所既…. 所以我地認定佢仲係肚痾




梳乾憂鬱吉...




超慘包包豬, 眼仔唔知到底發咗幾耐炎, 嘴仔不斷有黑色皮屑同甩毛, 眼不斷流啡紅色眼淚....連面珠仔都黃埋...可憐慘慘豬豬... 我一定要你健康快樂咁生活落去!!!!!





五分鐘前影...活潑包包周圍走...好難影倒.... 眼仔好似好番D...眼仔好番ing 既同時要確保包包食唔倒吉吉D糧7-10日咁肚仔唔再痾, 再醫廯(如果有), 再食杜蟲... 多d同佢地一玩令兩位公子開開心心咁希望甩毛既情況會改善... 不過patpat痴便便未諗倒點解決...仲要沖涼.... 手仔腳仔好污糟...





第三日晚, 我地開始比番乾乾包包食好愛食不過依然係要食哥哥既糧不過半夜3點又疴….食返處方糧就冇事啦~~





我地想分開佢地食唔同既糧, 不過似乎冇咩可能比包包食吉吉過黎搶比吉吉食又到包包過黎搶分房食呢包包唔食, 吉吉喺門口抓門好似我地比咗D咩好野包包食咁攪吓攪吓吉吉變咗好似陪包包轉糧又陪佢食處方糧…. 好彩吉吉身體好冇痾~~~ 問過診所姑娘話處方糧正常既貓長食都冇所謂咁先放心D…





外想問吓貓友: 你地係點樣令大貓接受新既細貓, 令大貓唔呷醋呢…?  近來吉吉成日成隻撲埋去包包度, 大啖大啖咬佢個身同頭, 個樣好兇…. 包包學識逃跑, 不過都敵唔過吉吉手長腳長受哂~~~我地而家開始NO, 佢就會放手同放口不過我覺得唔係辦法你地有冇好方法呀指教吓好嗎…?
 

講番D開心野... 最近顛咗咁買咗好多野比大細B....想佢地開心D唔好爭....

聽講滴露會食C貓... 赫到3魂唔見7魄... 即刻去買動物用既消毒藥水...








山洞形竇想比包包哩, 點知吉吉發現咗好嬲...







買個超大形所所... 比吉吉...佢有潔癖唔去包包去過既所所得(可能因為爛便便好臭)... 舊既所所細D做開放式比包包自己用...




魚魚抓板....比佢地








新寵物袋比包包....



雙坐小梳化... 比大細B...就唔大細超啦....吉吉包包即刻上去試吓..








 
貓抓板s....










超巨寵物袋... 比吉吉...




又新竇... 兩隻野麻麻地....

















表情符號



新yahoo  blog 的回應欄已沒有表情符號


表達文字的感情,打了一大折扣


如今篇了一版表情符號,來表達文字的語氣


令用詞更生動有趣!





大家來選一批覺得常用的表情符號


在回應欄上使用吧!!!





橫式的表情符號


做出「^_^」、「*_*」、「^o^」、「^_~」之類的笑臉,


在笑臉旁邊加上別的符號作為修飾物,表現更為豐富的表情,


「-_-|||」表示類似日本漫畫中尷尬的面部,


「-_-b」表示人物臉上滴下汗水等等。



--------------------------------------------------



基本形式



^-^ ^_^ ^=^   開心





>-< >_< >=<   傷心





T_T    哭起來





*^.^*    面紅地笑





-,-   無奈尷尬





._. o_o O_O 驚訝





$-$ $_$ $$$ 開錢開眼、恨錢





?-? ?_? ??? 疑問或猶疑





^_________________^  太高興了





>_________________<   咁都得呀?這樣也行嗎?





>/////////////////<       十分害羞.....





 .______________.   無奈





=_______________= 極無奈 





\( ̄︶ ̄)/ 抱抱





╮(╯_╰)╭ 無奈





Σ(☉▽☉"a          驚訝





╭∩╮( ̄▽ ̄)╭∩╮ 哼,去你的(鄙視你):


左右兩部份分別代表兩隻舉中指的手(不文手勢)






o_O 訝異





◎−◎? 疑問





^_^ 高興





T_T 哭得很傷心





=_=" 無奈





=3= 扭計、嘟嘴





$_$ 見錢眼開





(^_-)db(-_^) 手指打勾勾、約定





= =b 冒冷汗





^_^;;; 冒汗, 不好意思





╮(-_-)╭ 兩手一攤





= =# 生氣(青筋暴露)





|(-_-)| 沒聽到(耳朵遮住了)





/.\ 失望





>< 表示傷心、無奈、嗔怒的廣義表現符號





ˊˋ因難過而眉毛倒豎





@_@ 暈眩





= = 無言





-------------------------------------------




傷心





(┬_┬) 流淚



(>﹏<) 痛苦



(┬_┬)↘ 跌倒



〒▽〒 真命苦



~>_<~ 哭泣中



T^T"/// 飆淚



>3< 親一個(3表示嘟起的嘴)



(T_T) 傷心、我哭了



m(_ _)m 五體投地



-------------------------------------




道歉





〈(_ _)〉 道歉、鞠躬



m(_ _)m 叩拜



(^〈^) 對不起啦



無奈、尷尬



╮( ̄▽ ̄)╭



- -||||



┐(─__─)┌



╮(︶︿︶)╭



0.0 不懂、無辜



----------------------------------------------




生氣





(︶︿︶) 不滿



╰(‵□′)╯ 暴怒



(︶︿︶)=凸 比中指



(╯-_-)╯╧╧ 翻桌



(╯‵□′)╯︵┴─┴ 翻桌



╭∩╮( ̄▽ ̄)╭∩╮ 哼,去你的(鄙視你)



= =# 生氣(青筋暴露)



(#‵′) 哼!


\(@^0^@)/★ 晚安



(^o^哇)~~(^0^)哈~~(^○^)哈~~ 大笑三聲



0(^o^)~~YA(^0^)~~SU(^○^)~~MI(^_^) 好好休息(用於睡前、日文)



<*^.^*> 大笑



^+++^ 露齒笑(中間的+越多代表嘴巴開越大,也就是笑的越用力。)



^.< 或 >.^ 揪咪、眨眼、打暗號



=v= 賤賤的笑(中間的嘴有v、V、ˇ等幾種版本。ˇ是注音符號的第三聲,


在wiki上打出來似乎因字型會歪掉。)



--------------------------------




道歉





〈(_ _)〉 道歉、鞠躬



m(_ _)m 叩拜



(^〈^) 對不起啦



無奈、尷尬



╮( ̄▽ ̄)╭



- -||||



┐(─__─)┌



╮(︶︿︶)╭



0.0 不懂、無辜



---------------------------------




複雜形式





(=^_^=) 喵喵



((。(^_^)。)) 期待、期待



*\(^_^)/* 拿綵球、為你加油



≧◇≦ 感動



(^o^)哈~~(^0^)哈~~(^○^)哈~~ 大笑3聲



( ̄﹁ ̄) 流口水



( h_n ) 大眼睛和小眼睛



‧★,:*:‧\( ̄▽ ̄)/‧:*‧°★* 用力灑花恭喜



v( ̄︶ ̄)y 得意



ㄟ( ̄▽ ̄ㄟ) 偷偷逃跑



(  ̄□ ̄)/ <( ̄ㄧ ̄ ) <( ̄ㄧ ̄ ) 致敬



(っ´▽`)っ抱抱






( ̄(工) ̄) 大狗熊



(*> ω <*)超害羞



(~ ̄▽ ̄~) 裝傻



<(‵▽′)> 哈哈哈!我是壞人



o(〒﹏〒)o 淚



╮( ̄▽ ̄")╭ 無奈



ψ(._. )> 筆記



≧ω≦ 可愛、可愛



O口O! 超驚訝!



(*^.^*) 親一個



(^_-)db(-_^) 手指打勾勾、約定



------------------------------------------------------------




其他圖示







利用全形字也能夠創作出許多不同類型的表情符號。



<(-︿-)> 我很生氣喔!!別吵我,知道嗎



>-< 好



<( ̄︶ ̄)> 滿足且得意,得意快樂



<( ̄︶ ̄)/ 滿足並且伸出手,表示贊同、贊成



<(@ ̄︶ ̄@)> 滿足地臉紅



(# ̄▽ ̄#) 害羞



\( ̄︶ ̄)/ 抱抱、開心



b( ̄▽ ̄)d 豎起雙手拇指說好



╰( ̄▽ ̄)╭ 眉飛色舞



( ̄︶ ̄)↗ 出發吧



○(* ̄︶ ̄*)○ 吃飽睡好



♀( ̄▽ ̄)/ 優質女孩



♂( ̄▽ ̄)/ 優質男孩



╮(╯◇╰)╭ 啾~啾~親一個愛你



╭(′▽‵)╭(′▽‵)╭(′▽‵)╯ GO!



( ̄▽ ̄)~■□~( ̄▽ ̄) 乾杯



<( ̄︶ ̄)><( ̄︶ ̄)><( ̄︶ ̄)> 當我們同在一起



(* ̄▽ ̄)/‧★*"`'*-.,_,.-*'`"*-.,_☆,.-*`'`*- 流星拳



------------------------------------------------------







泰國式顏文字:(-ิ_-ิ;)、(-ิo-ิ)



^(00)^ 小豬



= =+



(˙_˙)/



>//////< 臉紅(害羞或激動)



!_!



@_@



*_*



+_+



@[]@



( . 人 . ) 胸部



vov



^Q^



~.~



>3< kiss



XD、x)



o(︶︿︶)o



@@||



WoW



lol 是 laugh out loud 的英文縮寫

http://hk.myblog.yahoo.com/amyblog2010

2011年8月24日 星期三

包包的爛便便...

 
48,

如是者又樸又打又挨住訓咁又過咗幾日, 今次又頭痕….轉咗貓砂之後, 包包淚腺有好轉冇咁多眼淚啦~~



不過………………………………….821日星期日晚開始痾爛便便



821日見包包個patpat毛同肛門都鯨住好多又黑又乾既便便仲乾咗喺d毛度, 我決定要幫佢抺patpat, 用毛巾同濕紙巾乾淨咗之後就放佢諗住比d乾魚魚佢食獎勵吓佢食咗一陣就走咗




大概半個鍾頭後, 突然包包連跑帶
跳走去屎坑我仲笑佢好似好急咁好可愛但之後幫佢清便便先發現佢痾爛屎我同吉爸分析如下



1.   包包食開Avo Derm Chicken & Herring Meal Formula Adult Cat Food我地想幫佢轉番吉吉食緊果隻牌子Artemis Fresh Mix Audit Cat Formula, 開始撈咗4日糧都冇咩事

2.   星期日去攞咗吉吉食開果款糧既Kitten裝試轉糧, 因為包包始終係幼貓食幼貓糧營養好D… 諗住佢食哥哥既糧冇問題同一品牌幼貓糧應該都可以

3.   星期日有兩款新野落肚, 不過我覺得疑凶應該係乾魚魚, 我地之前都有懷疑過乾魚魚令吉吉耳道敏感


星期一, 放工番到屋企開書房門(換衫房佢好似對某D野敏感係咁眼水鼻水出哂黎, 所以轉咗房))諗住放包包出黎同吉吉一齊玩一開門………………………成間房都係爛便便好明顯包包喺房同圍走新竇毛巾地下大量爛便便



我地都唔知點, 決定觀察多幾日諗住佢食得飲得應該OK…



星期二日頭持續痾爛便, D失禁咁, 同圍都有便便明顯係住行住賴控制唔倒自己



今朝起身見冇咁多便便喺地下啦, 不過周圍搵下屋既角落都仲有D…



打比姑娘問, 佢話餓佢12小時至比野佢食應該唔係生蟲因為貓主話上個月尾已經食過杜蟲藥應該只係腸胃敏感而肚痾



包包成個pat pat 既毛都係屎屎…. 而家我每次佢痾完都幫佢抺同索番d乾濕啫喱便不過都係濕pat一大個



都係睇醫生穩陣….



好鍾意哩幅, 細佬挨住哥哥





眼仔冇咁腫啦....仲係有d唔慣咁..





排排坐, 懶好咁...





攬住訓...





唔知係lam定係咬...






又捉住唔知係咬定lam....






包包訓喺吉吉竇, 仲一齊訓tim, 不過自從痾爛唔唔事之後都冇啦.... 


2011年8月22日 星期一

包包在家的第二三日…




817日第二日:


2日朝我入房換衫先知賴野, 包包一聽倒有人又即刻開始嗌, 仲要好大聲一打開房門就見佢挨咗喺個小砂盆度見倒佢用鼻噴氣噴到好似人地鼻塞咁眼淚鼻鼻一面都係….而且仲係啡啡地色我已經趕住番工, 但都試吓再放佢入籠睇吓驚緊既包B會唔會比較接受倒….但係原來諗多咗嗌到喉破咁滯我又收番D水水乾乾同砂砂放番入房連衫都冇機會褽….就衝咗出門口…..番工….





吉爸放假睇住佢地, 但包包依然係大聲細聲不停嗌而吉吉開始擘大口用牙赫包包, 包包好攪笑一D都唔驚(佢由細到大同大約60隻貓一齊生活其中一隻仲係美捲所以以為會容易適應D)….成日跟住吉吉….而吉吉就係咁唔同時間角度兇包包…. 成日用手臂摔低包包, 可憐既包包出任人魚肉樣….任咬任攪我心痛到暈但唔知點解包包多數都唔反抗有時只係慢慢用手仔腳仔撐開吉吉….如是者就又過一日





晚黑訓既時侯鎖番包包入房訓….


照鏡鏡...流眼淚流到眼仔腫哂






近鏡睇波波尾...腳底毛好似係黑色...定污糟呢...?







3:


吉爸發現包包應該係貓砂敏感, 出廳玩眼淚鼻水冇咁緊要…. 於是當晚攞走咗D砂結果成間房又屎又尿咁都算好起碼有屎有尿….朝早起身赫屎不過都係2話不說返咗工吉爸今次好似比上次魯吉返黎緊張好多….





魯吉個衰仔除咗恰包包….仲成日食佢食緊既乾乾, 自己既又唔食包包換緊糧食緊AVO, 我都唔知個衰仔會唔會痾包包亦會同吉吉爭野食係咁食哥哥D…. 吉吉食A兜糧包包又去食, 包包食B兜糧吉吉又質個頭落去爭食~~~作屎~~~~





但觀察咗一陣, 吉吉除咗咬包包但係又幫包包LAM, 而且成日LAMPAT PAT…好奇怪有次佢地兩個喺度糾纏地下散開之後我發現地下有粒CC…唔通吉吉以為包包唔識痾唔唔所以成日幫佢LAM PAT PAT??????  百思不得其解





而且吉吉既眼光一直跟住包包, 並冇嬲樣一時時啦….好似都幾NICE…不過就唔明點解成日都撲包包….唔知包包可以頂幾耐呢又唔可以鬧吉吉唔係後果嚴重…. 包包冇受傷不過新環境新家人仲要受欺凌….好可憐, 好心痛








好鍾意哩張... 包包挨住吉吉大骴...



排排坐... 好得幾耐....?


請問點樣可以令大貓唔好蝦細貓... 吉吉成日出手拍包包....唔敢鬧吉吉驚佢呷醋打得仲勁....

2011年8月21日 星期日

包包的第一天

 

話說我地想搵多隻貓貓陪吉吉同圍問人有冇人唔要貓之前7月尾有個朋友屋企生咗4隻異短我見倒想要不過佢要出差3星期本來諗住等佢返黎然後去睇貓貓, 不過喺等睇貓期間, 經朋友介紹有隻波波尾既英短想搵人要所以816日我地攞咗番黎啦~~~我諗哩D係緣份


小貓係囝囝今年3月出世而家5個月大, 條尾天生L形所以D毛生長咗之後條尾成個包咁, 所以我地叫佢做包包”…

816日第一日返黎:

我地拿拿淋去買咗個2尺籠打算監禁包包7日同吉吉隔住寵相處….大部份人都係咁樣建議所以我地照做 

點知包包一內寵就叫, 11點幾番到黎叫到朝早4, 放佢出黎行佢冇叫得咁緊要不過都不停細聲叫….見佢穩定D又放佢返入寵又叫過….重複咗幾次….吉爸好擔心之後唯有放佢入換衫房叫咗一陣就冇叫



我地放咗佢食開既乾乾同水比佢再用洗面盆仔放砂砂比佢便便….


受驚小包...

對望...互相打量...

2011年8月10日 星期三

第一次離開魯吉一星期...

 
話說吉媽突然要遠行去印度孟買, 可謂係一個避無可避既差事....

可能魯吉成歲貓仔都未見過行李箱, 當吉媽放個吉既行李箱喺廳未放野之前, 魯吉唔知做咩一支箭咁標去........... 哩埋!!! 

仲以為佢實好想玩吓個箱, 諗咗陣...個傻吉梗係以為我又帶佢去睇醫生, 只係用個大D既箱裝佢....呵呵呵...傻豬....



放滿野之後......突然又發現個傻瓜...

魯吉: 咦~~哩舊咩來呢??  唔係我用咁做咩呢...?





魯吉: 唔知媽媽會唔會裝埋我帶埋我去呢?  不過好似唔係幾夠位喎....




魯吉: 咁不如我一直扒喺度...媽媽唔覺唔覺以為我係舊野既一部份...可能真係會帶埋我一氣去喎...我仲有保護色添...嘿嘿嘿...




結果媽媽走咗, 帶唔倒魯吉...雖然只係一星期, 去到機場已經好掛住魯吉... 好彩有吉爸陪仔...但係我真係唔知以後點同吉爸一齊去旅行...唔通分開去咩....




想講吓孟買:

未去之前, 同事朋友都有以下忠告:

1) 沖涼D水最好唔好掂塊面;

2) 洗面用酒店比既樽裝水;

3) 唔好飲果D樽裝水, 自己帶好D, 如果冇就買入口既水, 當地咩水都唔好飲;

4) 唔好喺街邊食野, 果度唔係泰國;

5) 唔好比人見倒你有貴重野;

6) 唔好叫牛食, 神聖不可侵犯;

7) 用右手食野...

8) 一定要住5星酒店, 4星都唔得...

9) 必備蚊怕水...

10) 冇咩預防針可以打...等等

喺哩度第3日啦, 只飲自己帶黎既水, 刷牙洗面用樽裝水... 每日提供6支水比住客 (正常人地國家既酒店比2支都嫌多...即係D水可能真係有問題?) 唔好理啦...小心為上...

洗頭沖涼無可避免水會沾倒面...不過今日都未爛面應該尚算可以...

早餐係最好既因為酒店食自助餐, 只飲熱茶唔飲水....午餐喺公司飯堂食咖哩餐, 比想像中容易入口, 不過全部野加香草...同埋唔同既咖哩味...唔食得辣都幾難頂...晚餐喺酒店攪掂... 因為唔敢出街....

我個人從來冇打算哩印度旅行, 但揾食冇辦法啦...如果有朋友或貓友想哩旅行既話...Shopping免問, 只有一個購物商場叫Phoenix, 好似香港既Time Square咁, 不過細好多...咖哩國既同事叫我地去哩個好啦...其他會比人打劫而且冇人會幫你地既....今日膽粗粗叫人車我地去咗... 好過晚晚屈喺酒店好悶....

我眼見好多大型項目起緊過幾年先黎好D....不過D人真係好窮...好慘, 好多一家大細訓街邊仲要成條街都係露宿既人, 就算有屋既D窗玻璃都係又陳舊又破爛層樓好似危樓咁好多裂縫... 好慘情.... 貧者愈貧富者愈富...完全一目了然~~~  貧富懸殊勁過香港好多......個政府唔知點做野架....

值得一提既係酒店保安好嚴密, 6-7人企喺門口, 袋同人都要分開過機好似過海關咁...令住客放心....亦即係治安真係好差....












最後----> 咖哩其實唔好食~~~好想快D番歸......



孟買一角 (車上攝):

有樓住既可以連窗花都冇....








D舖頭超爛...



一條橫街... 算個樣唔錯架啦~~~




50年代理髮店.... 一街都係!!!



唯一可以去既商場...



帳篷下係好多個家庭同好多既無家小朋友.....


 哩個係比較寛濶既帳篷.... 對佢地哩講已經係5星級...





酒店外已組有好多建築工程攪緊....



酒店外景~~ 算唔錯....



街童....後面可能係佢地屋企...我係指坐住果度....



同事買的手信...唔知大果包係咩黎....不過好多謝...



路宿家庭既洗手間... 不過好似有人收$$$.... 冇人性!!!!



比較四正既舖頭....



望鏡頭中間哩個阿哥好好人... 走埋哩同我地講門未閂好... 好彩佢提醒.....



另一種72家房客式家庭.... 出面幾塊布係賣既...所以比較新淨...



酒店門外好似過海關咁....



街市~~~~



~~~~得咁多咋, 盡哂力!!!~~~~





Related Posts Plugin for WordPress, Blogger...

搜尋此網誌