皇魯吉.孖.媽

2012年10月6日星期六

孖仔 = 成年了!!

今天是孖仔的一歲生日.....係...巧開心....
當然....真係一籮感觸...
來見證一下他們的成長吧!!

2012年10月1日星期一

超驚嚇！

上2星期，仔仔個頭仔好熱不過週不時都係咁，之後又冇咩嘢就算！

有晚，驚嚇事突然發生！

仔仔低叫左兩大聲！之後突然想嘔咁樣，行左幾步。。。真係嘔！

我嚇到面都青！

咁，有佢嘔哂先算！

嘔完！見到嘔出嚟嘅野！重青！直頭係超驚嚇！

除左有幾舊大毛球之外。。。係。。。。一條波鞋鞋帶！！！

星期一吉爸執櫃，可能因為咁突左條鞋帶出嚟！

我地已經每日吸塵盡量將細粒野好似橡根、萬字夾、缐、扣針之類收埋！萬萬估唔到係鞋帶出事！

好彩嘔哂出嚟！好彩！

以後要再小心D............

2012年9月26日星期三

贈品...

2012年9月19日星期三

豬不愛吃草...

之前試過種到發霉... 好彩終於種成啦!!

大成功!!!!

感謝呢媽同Sophie嘅悉心教導!!!!

三CHOK男!!!

2012年9月16日星期日

高級服務態度的平民餐廳

件事係咁嘅：

有晚連吉媽合共五人相約共聚，十分偷快！

當大家傾談得非常投入之際，侍應小姐過嚟添水，大家都不以為然！

突然，水杯突然訓低一條小河流由水杯口湧出將朋友個iPhone 4S成個面蓋住。。。。。

經過一輪印乾行動，好似冇咩事！

咁算啦！冇野！

點知預備埋單時朋友打比老公，係咁大叫對方都聽唔倒。。。

朋友向侍應反眏，結果經理出嚟，勢估唔到劈頭一句：
「小姐，真係唔好意思！你電話整嘅$我地公司負責，放心，我地處理好多哩D case嘅！比番張單我地得架啦！」
好有禮貌!
（下？唔係麻？處理好多？乜個侍應成日倒瀉水架？）

再過一陣，我地問張單埋好未，我地想走啦！點知經理走埋哩話：
「為左表示歉意，今晚我地公司請！」

(下？下？下？唔係化？）

我地堅持左一陣，算啦，咁多謝晒啦！

同一件事同十個人講，個個都覺得好神奇，因為哩種對客人負責嘅餐廳真係好少有！
當然如果去高級餐廳可能都會咁，不過以一間平民化餐廳嚟講，真係值得表揚！

通常餐廳都會左推又推咁側側膊，然後不了了之，全香港幾乎都係咁！

並唔係因為一餐免費晚餐而表揚Apple Green, 而係因為香港真係應該要有多D哩種服務態度嘅餐廳！

點解聽到嘅朋友都覺得間餐廳奇怪？
因為香港大部分食肆都只顧圖利！要佢地蝕比你？好難啦！