8月17日第二日:
第2日朝我入房換衫先知賴野, 包包一聽倒有人又即刻開始嗌, 仲要好大聲…一打開房門就見佢挨咗喺個小砂盆度見倒佢用鼻噴氣噴到好似人地鼻塞咁…眼淚鼻鼻一面都係….而且仲係啡啡地色…我已經趕住番工, 但都試吓再放佢入籠睇吓驚緊既包B會唔會比較接受倒….但係原來諗多咗…嗌到喉破咁滯… 我又收番D水水乾乾同砂砂放番入房連衫都冇機會褽….就衝咗出門口…..番工….
吉爸放假睇住佢地, 但包包依然係大聲細聲不停嗌…而吉吉開始擘大口用牙赫包包, 包包好攪笑一D都唔驚(佢由細到大同大約60隻貓一齊生活其中一隻仲係美捲所以以為會容易適應D)….成日跟住吉吉….而吉吉就係咁唔同時間角度兇包包…. 成日用手臂摔低包包, 可憐既包包出任人魚肉樣….任咬任攪…我心痛到暈…但唔知點解包包多數都唔反抗…有時只係慢慢用手仔腳仔撐開吉吉….如是者就又過一日…
晚黑訓既時侯鎖番包包入房訓….
照鏡鏡...流眼淚流到眼仔腫哂 
近鏡睇波波尾...腳底毛好似係黑色...定污糟呢...?
第3日:
吉爸發現包包應該係貓砂敏感, 出廳玩眼淚鼻水冇咁緊要…. 於是當晚攞走咗D砂結果成間房又屎又尿咁…都算好起碼有屎有尿….朝早起身赫屎…不過都係2話不說返咗工… 吉爸今次好似比上次魯吉返黎緊張好多….
魯吉個衰仔除咗恰包包….仲成日食佢食緊既乾乾, 自己既又唔食… 包包換緊糧食緊AVO, 我都唔知個衰仔會唔會痾… 包包亦會同吉吉爭野食…係咁食哥哥D糧…. 吉吉食A兜糧包包又去食, 包包食B兜糧吉吉又質個頭落去爭食…唉~~~作屎~~~~
但觀察咗一陣, 吉吉除咗咬包包但係又幫包包LAM毛, 而且成日LAM佢PAT PAT…好奇怪…有次佢地兩個喺度糾纏地下散開之後我發現地下有粒CC…吓? 唔通吉吉以為包包唔識痾唔唔所以成日幫佢LAM PAT PAT?????? 百思不得其解…
而且吉吉既眼光一直跟住包包, 並冇嬲樣…一時時啦….好似都幾NICE…不過就唔明點解成日都撲包包….唔知包包可以頂幾耐呢… 又唔可以鬧吉吉唔係後果嚴重…. 包包冇受傷不過新環境新家人仲要受欺凌….好可憐, 好心痛…
好鍾意哩張... 包包挨住吉吉大骴... 
排排坐... 好得幾耐....?
請問點樣可以令大貓唔好蝦細貓... 吉吉成日出手拍包包....唔敢鬧吉吉驚佢呷醋打得仲勁....
第三日已經可以坐埋一齊，已經係好好嗰囉，咁即係佢接受呢個塞豆窿係度，有時打打吓感情至會好o架
回覆刪除[版主回覆08/22/2011 22:25:13]但係吉吉成日幫包包LAM毛, LAM哂成身....好斷背... 吉吉成日LAM自己好愛乾淨, 包包好少LAM自己D毛... 唔知係咪因為吉吉嫌包包污糟....包包的確係有陣唔唔味...唔知有冇關係呢...?
得!佢地應該沒問題！
回覆刪除[Carmen回覆08/23/2011 22:15:32]肯幫對方LAM毛！
[版主回覆08/22/2011 23:22:34]真架...??? 係點睇架...?
猫地係識得分誰先誰後入屋！佢地都算快合得來了^^ 吉吉幫包包Lam毛，應該係教佢清潔吧^^ 不過，見包包敏感到眼都腫晒，陰公豬！ 我家兩兄弟都會互拍對方的頭:p 我會話佢地，但...係無用Gar XD 慢慢教La =^^= 總之要公平對待 ^^
回覆刪除[版主回覆08/23/2011 13:37:10]我而家會先摸吉吉再摸包包, 等吉吉冇咁呷醋....不過時不時吉吉好似遷怒於包包咁成日衝埋去撲包包...包包一出逆來順受樣我就心痛到暈...唔知點算...又唔敢叫停吉吉驚佢仲加嬲.... :(
咦你改咗名?!
回覆刪除[版主回覆08/23/2011 13:38:07]加咗包包所以改咗做吉包...嘻嘻....^^
嘩，咁快如貓呀？睇尼兩隻坐得咁貼，應該好快friend過打band
回覆刪除[版主回覆08/23/2011 13:40:15]一時時啦.... 驚好戲在後頭咋.... 唔知點令佢地相處好d...要令包包安心又要唔好令吉吉呷醋...有難度....!!!!
唔係呀包包同吉吉好 friend
回覆刪除[版主回覆08/23/2011 16:42:06]等我研究吓點放d殘暴video過你睇吓....鐵證如山.....^^
現在的網友, 是否每個我要邀請他們才知怎樣進入吖? 好像沒有網友懂進入? 天呀! 你就因跟我一樣轉了去試, 因明知一個月也會是這樣>.<
回覆刪除[版主回覆08/23/2011 17:54:45]我見有升了級的網友add我才知要一個一個進入他們的個人檔案然後收取update....之後才會成為朋友...應該...
你要捉吉吉手隻打佢, 叫佢STOP. 佢會慢慢明. 自然不是大力打那種. 記住牠們就是小朋友, 要有體教開始!
回覆刪除[版主回覆08/23/2011 17:56:32]呷醋好似襲擊得仲狠....我都試吓先...
给 多 些 少 时 间 ， 他 们 应 该 会 很 friend, 因 为 第 三 天 他 们 已 能 排 排 坐 。
回覆刪除包 包 眼 睛 红 红 肿 肿 的 非 常 可 怜 ！
[版主回覆08/24/2011 02:54:07]係呀... 佢天生淚水分秘有問題...冇得醫...盡量唔好比野令到佢敏感就會改善...之前貓砂敏感換咗豆腐砂之後好好多....不過哩世都係咁架啦....成日流眼淚....好可憐.... 嗚嗚嗚.....
要同吉吉多D講野
回覆刪除[版主回覆08/24/2011 02:45:02]係...我覺得自己冇咁注意吉吉....要做好d.... ^^
吉吉叻仔識管教包包
回覆刪除[版主回覆09/03/2011 21:55:29]佢都好常宣示主權架...哈哈哈...