見唔見呀...見唔見呀...?? 包包訓喺我大肶仲比我隻手做佢枕頭呀...!!!!!!!
哩幾日既吉包...
早幾日...
早兩日...
無故地下有血.....
出街竟然冇驚驚仲訓埋....
醫院比既試食... 一歲後先食好D...
買咗唔同既BB濕濕比包包食...有多D營養....後面果盒係試食....
包包唔知做咩成日半個身喺所所外尿尿....只限尿尿....
4-5/10/2011 今日靚便便依然。。。
乞嚏有幾次。。。
索鼻鼻/抽搐仲係多。。。
停左一日雞柳都靚便便，可能腸胃已經好番好多。。。
從包包第一日返黎patpat充滿poo poo乾哂痴住一舊舊既情況睇黎包包應該係腸胃有問題而且長期軟／爛便，唔知係咪出世就係咁，經過甩哂PatPat 毛到生番，加上鮮雞柳。。。而家PatPat 已經冇poo poo痴住。。。亦成個星期靚便便啦！！！鮮雞柳真真係神奇呀！好想表揚吓鮮雞柳既功積！！！鮮雞柳！！！鮮雞柳！！！鮮雞柳！！！讚！！讚！！讚！！唔該哂！竟然醫好長期便便／腸胃問題。。。。
包包眼水都係多不停流，成日水汪汪！而家眼仔周圍既毛甩得好緊要，好心痛！眼水再唔停眼周圍既毛唔可能生番！點算？包包眼水會唔會冇得醫呢？
6/10/2011 尋晚我訓之前包包開始呼吸好大聲有D似哮喘既呼吸。。。係惡化左定係改善左？我唔知。。。
今朝見佢扒喺度呼吸好重企起身行冇野。。。
今晚，包包睇落好累，冇周圍走。。。只係原地喺門口張地氈度休息但又唔係幾訓得着。。。
唔知晏晝喺屋企有冇訓呢？
7-11/10/2011由吉吉報告： 今日晏晝見媽媽返黎經驗話我聽又唔知捉我定細佬去邊。。。點知真係喎。。。不過捉左細佬。。。噓~~好彩啫！ EE地近來冇咩留意我。。。淨係係咁問細佬點。。。好衰架！嬲嬲。。。
細佬好曳架其實。。。佢哩幾日成日坐喺所所向出痾尿尿，攪到成地濕哂。。。哎呀！我日日幫佢鋪屎鋪尿佢都唔學吓乾淨D仲愈整愈糟糟，我接受唔倒囉。。。媽媽話佢兩句又走番去門口坐。。。近來佢唔再哩箱啦！不過霸住大門口張地毯做他盤。。。成間屋係我架麻，我又點會唔得閒就走去教訓佢。。。不過見佢近來冇咩走動咪教訓少D囉！我係咪好乖呀？呵呵~~
我仲教三吋釘玩抓抓柱添呀算佢醒一學就識！超乖囉---＞我！！
話時話細佬對眼唔知做咩一路有水水係咁流，鼻鼻又損哂，眼下面D毛以前好多架。。。近來好似冇哂！！
早兩日呀~~媽媽一早流流面都青埋大嗌「做咩地下有血架？？」我都唔知咩事梗係唔理媽媽啦！細佬都擰轉面。。。實係細佬啦我見佢鼻鼻紅紅地。。。好曳囉唔認！！
我八倒媽媽好似話醫生EE話細佬個腎脹左，可能因為咁所以成日走去飲水同痾好多尿尿，D尿尿仲好黃添呀~~唔知係咪因為咁所以成日尿尿喺地下呢？？
醫生EE仲話細佬感冒未好，唔再比朱古力細佬食換左D好細粒既丸丸。。。嘻嘻嘻~~爸爸媽媽手忙腳亂咁最後都餵倒一次藥比細佬食仲要擦埋眼膏。。。我醒呀！哩埋一角心涼。。。嘻嘻嘻~~
見細佬要食藥，我好乖呀，尋晚冇打佢呀！我係咪好乖先？？？
隨卜附送吉包媽珍藏反肚相... (捕咗好耐架啦....)
小反肚....
小反肚....
5號...比媽媽抱咗上梳化訓.... 媽媽擰轉面佢就大反肚....
點解有血嘅, 包包好似幾精神呀 ? 胃口好唔好 ? 尿尿..... 俾D 時間慢慢教
回覆刪除[版主回覆10/12/2011 13:51:50]我懷疑係鼻血.....
[版主回覆10/12/2011 13:51:27]我都唔知d血喺邊樹黎..... 不過哩兩日冇就安樂d... 胃口都ok架...不過唔肯食乾乾...所以只食一日3餐...如果我唔使番工就一日4-5餐...冇辦法....
哎呀.....點解有血嘅????我都想知呀!
回覆刪除[版主回覆10/12/2011 13:52:15]可能係鼻血...原因真係唔知....
係囉...點解有血?
回覆刪除MICKEY係食ROYAL CANIN 防牙石乾糧ORAL SENSITIVE.... 睇呢醫生包試食裝都差唔多樣, 因為之前醫生都請過MICKEY食, 醫生話大大粒, 一定要咬, 可以防止佢地成粒吞, 無咁容易嘔, MICKEY由細到大都食糧好急, 所以經常食後即刻嘔, 不過隻糧咁大粒, 唔係隻隻貓都食
[版主回覆10/12/2011 13:57:10]我都唔知點解咁大滴血.... 擔心ing....
[版主回覆10/12/2011 13:55:50]哥哥吉吉其實touch wood牙仔都ok, 不過預防勝於治療...做好準備好d... 如果唔食再試其他... 姑娘話溝落d乾糧度比佢食試吓....
[meimeimew回覆10/12/2011 00:28:55]另外, 噴牙原因係發覺MICKEY左邊大牙污JO, 醫生話佢唔常用左邊, 習慣用右邊咬糧, 所以噴牙可以向左邊多D, 減少積聚牙石
睇到啦, 甜到漏啦, 真係難為貓奴.....包包面口望落唔錯, 食, 疴, 瞓點 ?? d屎得唔得....有冇活潑d , 重係食緊酵母素定轉咗. 咁醫生點講, 情況和何 ??
回覆刪除[版主回覆10/12/2011 14:13:26]其實包包由入門到而家差唔多2個月都未停過流眼水鼻水...一直都感冒...食咗3支朱古力抗生素(前後加埋成30日)都好到....而家直情係水浸到連毛仔都甩埋....醫生話仲係感冒... 同比眼藥膏包包擦.... 希望有好轉....
[版主回覆10/12/2011 14:07:40]佢好比似安心咗好多...最近又反左2次肚...呵呵呵...好可愛啊~~~~ *3^ 包包又瘦咗...由1.9kg 到而家得1.68kg.... 唔知點解....好肯食..同哥哥一齊跑去開飯....每次食唔多...不過一陣又食過.... 如果我可以喺屋企就好啦... 佢可以日日食多幾餐...平時放乾乾佢又唔太食... 比其他乾乾又驚佢好似3星期前咁痾血同爛便... 屎屎好靚呀... 一日3-4粒大波子屎屎... 不過有日全日唔痾...可能食得少.... 活潑就真係冇咁活潑啦...得閒起身行2圈我都好開心架啦.... 依然都係朝早黑酵母, 既黑維他命c, 早晚抗病液...加埋而家要食10日抗生素醫感冒....
我都想知道 '點解有血' 呀!?
回覆刪除[wongtw65回覆10/12/2011 20:46:11]無錯呀! 如果, 攪到自己又病話~~就弊傢伙喇!
[版主回覆10/12/2011 17:58:35]我都放心左d...而家日日訓得唔好...要調節吓得...唔係就麻煩....
[Luckymeow回覆10/12/2011 17:29:11]沒再見血真是太好啦！！！
[wongtw65回覆10/12/2011 15:52:20]咁, 都放心!
[版主回覆10/12/2011 14:15:11]我都想有人話我知.... 好彩哩2日已經冇見地下有血啦...
我覺得潔齒餅對Bill Bill無咩用，因為佢成粒吞。我都見過一次系Bill Bill個C兜邊有一撻血跡，但又唔覺有異樣，可能佢果次便祕呱，之後就無再發現過，touch wood！
回覆刪除[版主回覆10/12/2011 23:26:47]哈哈... Bill Bill 既牙仔實冇事啦.... 都唔冇食物經過過...呵呵呵....
[划艇高手回覆10/12/2011 23:23:14]依家3 歲都仲OK，老左就唔知啦！
[版主回覆10/12/2011 22:55:20]真架...? O...又知多樣野啦...咁消化OK嗎...?
[划艇高手回覆10/12/2011 21:25:56]我Bill Bill 由細到大食野都系吞，好少趙。
[版主回覆10/12/2011 17:57:24]唔算迷不過好like睇囉.....
[Luckymeow回覆10/12/2011 17:30:28]吉包媽都系柯迷嗎？
[版主回覆10/12/2011 14:23:31]訓醒起身赫呆咗...即刻跑去睇吓周身邊度有血跡...冇.... 滴血喺水兜側邊...所以我估係鼻血... 只有鼻仔至有d深啡色好似凝左既血咁...不過好少....唔似地下咁多... 真係要柯南至搵到真兇....
[版主回覆10/12/2011 14:17:36]吓....? 成粒吞...? 好易啃親喎...唔好比佢食啦咁...如果吉吉成粒吞我都唔會比佢食....
傷風呀？
回覆刪除[版主回覆10/12/2011 14:24:15]感冒... 長期果隻....
我家貓不吃almo, 只愛applaw.... 包包要食多d, 有能量先可打倒細菌小子架。
回覆刪除[版主回覆10/15/2011 00:44:25]包包唔like almo同applaw所以一日比幾次佢食Schesir... 只係怕佢唔夠營養....
[泰媽回覆10/14/2011 18:02:39]有無試過蒸雞雞比佢食呀, 要蒸喎, 唔好烚!! 唔係好多牌子有bb罐架, 我無記錯applaw既bb罐係淨雞肉味, 如果係既, 你不如試下比applaw / almo 既成貓罐,有d魚味既, 無味精得嚟希望佢會食。其實以包包既情況, 佢最緊要係食夠野, 夠營養先可以打仗, 所以如果係我既話, 只要佢肯食, 成貓罐都比住佢先!! 起碼叫有野落肚先ma。
等我去睇下有咩bb罐係好既先。
[版主回覆10/14/2011 17:16:50]包包真係唔愛almo, 都唔愛applaw... 仲有冇咩濕濕好味又係kitten幼貓食架...? 好愛食大人既 Schesir.... monit petit同sheba唔知有冇bb濕濕呢...搵吓先...
[版主回覆10/12/2011 17:52:16]我下次試吓你既建議先....吉吉同包包食開Schesir...不過我驚包包發育時期唔夠營養...所以問醫院咩糧比包包食好d囉.... 果d係佢地建議架...almo包包好似唔係好like... schesir冇kitten.... :(
[泰媽回覆10/12/2011 15:10:48]我家主子被寵壞了... 佢地還會吃monit petit, sheba & Schesir (這個都是天然罐來的, 一次還24罐為起都係$11罐, 比較化算), 太多選攞咀也變叼了...
[版主回覆10/12/2011 14:27:56]吓...? 我以為係濕濕都食既tim.... 我諗佢果隻係病毒先生... 小包包vs大病毒先生... 要再諗吓辦法我唔喺屋企佢都食野先得.....
我記得BB第一次尿道炎,就係見到地下有兩滴血,初初唔知,見BB去廁所去得好密,但又痾唔到,先知出事,好內疚,不過,最緊要包包吉吉無事就OK o(‧""‧)o
回覆刪除[版主回覆10/12/2011 17:53:53]包包日日大量飲水....醫生話膀胱佢脹咗...可能係因為咁...... :(
包包睇落精神返D窩(^_^)∠※叻仔！！！眼仔下的毛毛脫噻，真系陰功......吉包媽媽，仔仔好乖，知你辛苦啦，比你只手當他枕枕
回覆刪除[版主回覆10/12/2011 17:54:59]巧巧巧開心架真係... 佢唔驚我啦~~~~~ *3*
你是否要train佢在個盤?? 你第一張桂花由佢4歲開始已經在我手上面枱起佢個頭係到熟睡, 也有八年了! 今天佢好點嗎?
回覆刪除[版主回覆10/12/2011 22:58:41]佢一向好乖...係換過一次砂之後又換番佢自己D砂就突然咁樣....唔知做咩....
我屋企隻貓太肥大有時尿尿時都會尿了出來,最近買了大一個size的沙兜,家陣好好多了!
回覆刪除[版主回覆10/12/2011 23:01:43]包包番黎冇耐已經用緊哥哥果個....我買咗個再大D既比吉吉.... 之前都唔係咁...哩幾日開始架... 我已經2-3日洗一次所所... 以為佢嫌棄污糟....但都冇用....
见 到 啦 。 。 。 知 道 你 甜 在 心 ^^
回覆刪除吉 少 很 靓 仔 ！
[版主回覆10/12/2011 23:02:50]對啊對啊.... 很很很開心.... 包包認同我是他家人了....是嗎...?
我家天師仔初初入屋時啲便便都唔靚，都係每日食雞胸肉，啲便便就好靚，有一排佢啲大便有少少血，“塞”佢食咗一個禮拜益生菌就好番晒
回覆刪除[我家仔仔回覆10/12/2011 23:45:41]包包腸胃唔好，醫生無開益生菌俾佢嗎﹖早幾個星期前，天師仔疴爛便，都食咗幾日益生菌好番
[版主回覆10/12/2011 23:29:39]益生菌...(益力多....呵呵呵...)? 腸胃野黎架...? 之後都冇軟便啦...?
包包有改善就好喇
回覆刪除[樹獺回覆10/14/2011 02:43:18]唉...唔知點講好, 你地已經盡左力......加油！
[版主回覆10/13/2011 13:43:29]都唔知係有改善定冇....
一見包包豬就知佢好開心，好滿足！ 出街都咁claim，真係啖啖定，有錢爭！ 話實，D血邊個架？
回覆刪除[版主回覆10/13/2011 13:45:54]包包啖啖定...媽媽冇錢淨...哈哈哈... D血真係唔知邊個既....哩幾日冇見就當冇野啦.....已經訓唔著幾日....
D血呀。。。有冇問題架?
回覆刪除[版主回覆10/13/2011 13:47:22]有問題架...不過冇辦法... 星期六到而家都冇再見...咁.... 就當冇事先啦...
希望包包快D好返, 有個健康身體~~
回覆刪除我結婚後, 男友隻龍貓會跟我地住, 佢又係叫包包呀~~
[版主回覆10/13/2011 13:48:28]咁祝你幸福一世之餘, 都祝包包身體健康... ^^
hi, 你早兩個月加貓嗎? 佢地相處愉快嗎?
回覆刪除[版主回覆10/14/2011 13:41:32]而家好好多啦....之前都可以不過吉吉(哥哥)成日撲包包...又咬佢.... 如果得閒去睇吓我個分類 "新養包包B"啦...
http://blog.yahoo.com/_AE6SIROAGRDPCYWTD5FJ3PQZHU/category/%E6%96%B0%E9%A4%8A%E5%8C%85%E5%8C%85B
包包新入門的? 好細個呀, 多大? 囝定囡? 邊個滴血呀? 包包點解咁多眼水? 敏感定淚線晌題啊? 醫生點講? 每星期兩日我會蒸雪藏雞柳比細佬食, 家姐唔食架;
回覆刪除[版主回覆10/14/2011 13:50:23]包包而家7個月大啦...番黎果時5個月.... 囝囝黎架.... 唔知邊個滴血, 不過成個星期冇可疑血啦...就算囉.... 前貓主話包包淚腺有問題...醫生話包包貓瘟(感冒)所以會咁.... 我試過解凍唔夠耐...吉包唔食...不過解凍夠時間佢地兩隻都食架... 你試吓啦... 雞味真係好濃架... 關於病得閒又有時間去分類 "吉包病" 度睇吓...太多病...未能盡錄....嘻嘻........http://blog.yahoo.com/mygutbauchu/category/%E5%90%89%E5%8C%85%E7%97%85 都有埋佢地相處既點滴架....(賣吓廣告先...呵呵呵...)
細佬都有食呢幾款罐罐呢! 如果包包太弱小,可以試下餵營養膏(多種維它命), G字頭牌子, 廿多元咋; 吉吉哥呢, 要嘖牙? 咩牌子? 點用架? 唔識喎....包包點解係出邊尿尿啊? 未識用沙盤? 唔中意呢款沙? 嘻嘻, 我會否太多問題了? ^^
回覆刪除[版主回覆10/14/2011 13:58:58]吉吉已經差唔多歲半啦...要開始保護牙齒...上面幅相果包係醫院比既試食潔齒餅... Hills Feline t/d, 其實係處方糧不過有潔牙功效....
[版主回覆10/14/2011 13:55:44]包包同吉吉都有食開你講果隻營養膏架...包包超愛...食完走埋黎要再食...仲試過想LAM哥哥嘴仔果D... 不過我比一吋佢食左右...怕佢太細唔可以吸收咁多...
[版主回覆10/14/2011 13:52:40]我成日都問貓友好多問題架...佢地個個都超好人...一方有難八方支援...歡迎大家交流吓...
我發現咗有隻pill pocket 用嚟餵藥好好架, 你可以買嚟比包包呀!
回覆刪除[版主回覆10/14/2011 14:24:39]哈哈哈...餵倒兩日已經好好啦.... 呵呵呵... 有冇試過餵藥捧...? 粒藥喺管入面對正喉嚨彈入去果隻呢~~~ 我之前喺街買果d設計唔得...上次去覆診順便買支醫生用果款...好work喎...包包ok...嘻嘻....吉吉未試過....
[泰媽回覆10/14/2011 14:14:40]你唔好咁客氣啦, 大家交流下心得啫! 但我想講菇菇用pill pocket 餵咗2日已經識穿了... hahaha!!
辛苦晒你同包包, 每天都要大作戰!!
[版主回覆10/14/2011 14:11:23]嘩~~~~ 原來可以咁樣餵...好好既設計喎....包包食藥都ok架...我用食藥管餵..so far哩5日都肯食...每晚步驟係...1. 抺乾淨眼仔同嘴仔 2. 搽眼藥 3.食藥丸 4. 飲小小水水送藥 5.飲抗病液... 朝早好d...只係1. 2.同5.姐... 泰媽, 唔該哂呀... 吉吉要食杜虫藥既時間就可能試Pill Pocket啦...佢食親藥都好似想殺人咁....多謝你又教多我一個方法呀....