小小B已改名為豆豆....由於吉吉姓皇....所以豆豆全名應該係皇豆豆.... 簡稱皇豆....
之後再講領養的故事....
巧合...? 定又係緣份...?
坐監中....
吉吉探監中.....
小小B應該未夠一個月大便被棄置在一個發泡膠盒內還用木板蓋住，外有一罐成貓濕糧。。。好心哥哥帶了牠回家暫托待領養，聽附近的涼亭老伯說是放養！
什麼是放養？？
放養是這樣的嗎？？？
為什麼幾百元也不帶貓貓去絕育？？ 生了又不顧！！！
小生命是多無辜呢！！！
小小B就係喺入面......人渣!!!!!!!!!
什麼是放養？？
放養是這樣的嗎？？？
為什麼幾百元也不帶貓貓去絕育？？ 生了又不顧！！！
小生命是多無辜呢！！！
小小B就係喺入面......人渣!!!!!!!!!
當時既小小B.....
有日見倒卜友留言話:「盡快養返多隻，對人對貓都好」哩兩句一直喺腦內浮現，本來諗住唔再加貓既我，突然開始諗。。。係咪真係會好D?
之後喺FB內見倒小小B，好似包包呀！！係感覺。。。問執左小小B暫托既好心哥哥可唔可以領養。。。佢話已經有人要左，下星期家訪後就出貓。。。噢！遲咗！！（吉包爸冇咩反應，佢比較想要有品種既。。。我覺得！）
我開始有D顛左，上領養網睇貓，原來好多所謂領養都係賣貓，不過我都唔理又打電話又Email, 不過幾日都冇人覆。。。
吉包爸開始搵包包前媽，問有冇貓唔要，冇消息！
去診所問好熟果個姑娘有冇客唔要貓或賣貓，佢比左2個電話我地，賣貓既，打左一個，佢話攞去地鐵站比我地睇！下？？？係咪一個紅白藍幾隻果D???? 朋友買狗試過！ 不過我過唔倒自己！算啦唔睇啦！
過左2日，包包前媽突然打黎話佢有隻貓賣左比朋友，不過兩個星期以黎屋企個2歲小朋友貓毛敏感，就算鎖喺第二間房都唔掂所以放返佢度寄賣。。。問我地要唔要！ 我地想當晚睇佢唔得閒，結果第二晚睇貓！佢比多一隻我地睇，一隻忌廉色，一隻藍色，都好可愛！ 吉包爸貎似鍾意忌廉色，不過怕好似包包咁因為有D眼水，自從包包後我地對貓眼同鼻水都好驚。。。一朝被蛇咬，三年怕草繩。。。
吉包爸同佢講我地聽日覆佢要邊隻，諗住要藍色果隻！
第二朝，好心哥哥突然FB我話領養者冇覆佢話如果聽日再唔覆我就可以領養。。。咦？時間啱啱好喎~~如果佢遲2個鐘MSG 我，我已經買左藍英短啦！
即晚我要求睇小小B, 上左好心哥哥屋企睇，好可愛超級活潑！ 睇完小小B確認領養之後，前領養者突然回覆好心哥哥，叫佢星期六去家訪。。。好彩又係早左睇同確認。。。
我總覺得廚房係好危險同埋如果有新貓可以做佢間玻璃房，隔住相處好D...搵左好耐至搵到吊趟門。。。要裝兩星期，去完印度出差4日接小小B返屋企時間啱啱好！^^
咁。。。係巧合定緣份？
開放式BYE BYE~~~
凳凳凳凳.......吊趟門!!!!!!!!
恭喜有新成員 ^^ 豆豆，你好嗎？吉吉應該好喜歡豆豆吧 ^_<
回覆刪除[版主回覆11/26/2011 23:16:56]都幾照顧佢呀.... 唔錯...^^
Congratulations! '皇豆' 好可愛呀!^^
回覆刪除[wongtw65回覆11/29/2011 19:53:23]哦....唔怪得喇!
[版主回覆11/29/2011 18:37:36]好心哥哥係咁Sell... 可能marketing 做得好，哈哈哈！
[wongtw65回覆11/29/2011 16:49:16]咁奇怪!?
[版主回覆11/29/2011 15:09:27]係呀！唔知點解咁多其他B冇人領養。。。
[wongtw65回覆11/29/2011 13:58:28]嘩....咁厲害!?
[版主回覆11/29/2011 13:46:44]其實有六個人想領養豆豆，所以唔驚冇屋企架！
[wongtw65回覆11/27/2011 10:18:45]好彩, 比佢遇到你咋!^^
[版主回覆11/26/2011 23:17:42]我都覺得佢好可愛呀....
好開心見到你有新成員加入!! 吉吉點呀, 佢情緒如何? 好緊張呢!!
回覆刪除[版主回覆11/29/2011 15:13:56]豆豆百厭起黎都幾緊要，但又成日主動獻身訓大肶。。。真係魔鬼天使混合體。。。冇符！哈哈哈！最重要哥哥好照顧佢，咁係最安慰架！
[泰媽回覆11/29/2011 13:58:59]豆豆咁可愛, 個樣超天真!! 吉包豆爸一定好快被呢粒小豆溶化!!
[版主回覆11/29/2011 13:50:45]吉包豆包話：咁有緣，整定啦！ 佢其實唔太鍾意本地家貓，驚佢地太活潑處理唔倒，好彩佢而家都接受倒！
[泰媽回覆11/28/2011 11:32:44]証明小小b整定係屬於你的!!
[版主回覆11/26/2011 23:32:41]佢就係我同你講領唔到既小小B啦....嘻嘻...
開始冇咁緊張啦....
恭喜晒, 吉包豆媽, 添丁發財.......
回覆刪除[版主回覆11/26/2011 23:18:56]多謝哂呀...呵呵呵...^^
豆豆好可愛>3<~祝吉包豆一家快樂幸福
回覆刪除[版主回覆11/26/2011 23:32:58]一家而家真係感到莫大既幸福....
好想知道您哋o既緣份係點發生
回覆刪除[版主回覆11/29/2011 13:59:57]支持領養！！！
[版主回覆11/29/2011 13:59:33]我地都支持收養，吉包都係收養既，今次搵貓既時候連買都唔介意，可能係因為扁媽講既缺口，我唔知係唔係。。。興幸最後都冇失守領養既原則。。。
[貓僕人回覆11/26/2011 23:56:24]係.....收養好, 施比受更有福
[我家仔仔回覆11/26/2011 23:35:36]我都係鍾意啲人收養貓，仲要係唐貓
[版主回覆11/26/2011 23:22:09]寫左啦....呵呵呵...
哈﹗原來來了新成員，吉吉有伴咯，恭喜呀﹗
回覆刪除[版主回覆11/26/2011 23:23:48]有伴原來真係好D...多謝哂呀...
恭喜啊！豆豆是女仔？快点说说豆豆是怎样会加入你们的！
回覆刪除[版主回覆11/26/2011 23:28:22]已經寫了....請回來看...
[版主回覆11/26/2011 23:27:56]不是啊...是男孩子...因為沒有一刻停下來....像小跳豆....所以叫豆豆...嘻嘻...
new member?
回覆刪除[版主回覆11/26/2011 23:29:54]係呀.... 吉吉既小小弟... 寫左佢既由來啦....
知道你添貓好開心, 而且今次係領養, 更加好 ^O^
回覆刪除[版主回覆11/26/2011 23:40:15]其實吉吉同包包都係領養...我可以領養係因為佢地都冇本來品種既特徵...今次唔同既只係豆豆被人遺棄喺街...
吉包豆媽, 係緣份呀...你地好有心, 即刻裝新門
回覆刪除[版主回覆11/27/2011 00:05:57]慘劇.... 一次就夠.... 唔想再有..."如果"
大部分的猫b都係粒跳豆咁四圍彈，好活潑 ^^ 遲下豆豆可以自由行時，就會同哥哥玩到癲，屋企又充滿笑聲ga la =D 到時妳有排忙，忙住幫佢地執拾亂灘子 :P
回覆刪除[版主回覆11/27/2011 01:29:21]係呀係呀... 而家諗緊點減野.... 唔使周圍都係野....
廚房開放式真係會好多油煙~~裝左門靚好多^^........都幾明你心中既衝動,果種想養貓周圍問周圍搵既渴望,好似心中有個洞,努力想填滿......直到貓貓入門這個洞才會真正的平伏,其實唔理買OR收養,你真正想要既.........只是.................一隻貓!!!
回覆刪除[版主回覆11/29/2011 18:42:33]我梗係知你明白。。。由第一日你話我知小Miso既故事。。。我已感到你所感，亦知你好明白我既心情。。。抱抱
[扁臉貓回覆11/29/2011 16:32:02]我真的明o架!!!所以祝你同豆豆貓永遠開心响埋一起!!!
[版主回覆11/29/2011 14:11:18]嘻嘻，我屋企係無飯家庭，一D油煙都冇，連抽油煙機塊保護貼十年都好地地，哈哈哈！扁媽，可能我地有相似既經歷，所以我成日覺得你講中哂我既心情。。。^3^ Kiss Kiss
看著貓貓之間的相處是很有趣的事，所以我養了一隻後.... 就不能自拔 :-P
回覆刪除[版主回覆11/29/2011 18:44:30]兩隻兩隻又Ok喎！哈哈哈！
[shadow回覆11/29/2011 14:56:16]咁兩隻兩隻又兩隻啦﹗:-DDD
[版主回覆11/29/2011 14:20:27]係呀係呀！好得意架，好彩吉吉愛有伴陪佢。。。好彩暫時夾到！我地就覺得我地最多可以兩隻。。。嘻嘻！
睇書都係話加新貓可以盡快令人忘卻憂傷，你個雪柜同我同款~~，厨房用玻璃趟門真係好好，除咗安全又可以俾貓地見到你係處做嘢！
回覆刪除[小強之家回覆12/03/2011 14:17:03]我鍾意個廚房大......雖然我唔識煮飯
[版主回覆11/29/2011 14:39:36]本來想買細一個Size,不過大陸做能源標籤2號，哩個日本做能源標籤1號，耐用又環保D,其實二人家庭又唔煮飯，個雪櫃得野飮。。。唉！整門都係為左煲水時大仔唔會撲火，細仔有間透明房可以入門時被隔離，隔住相處好D....
恭喜有新成員
回覆刪除[版主回覆11/29/2011 14:40:43]多謝哂呀！
Its fake, its destiny.... if its yours, its yours... Wish you all a good beginning..... U have done a good deed as well.... very proud of you
回覆刪除[版主回覆11/29/2011 14:51:31]多謝您呀！可能真係緣分。。。我地都好開心，健康既小貓其實真係好容易照顧。。。
好彩你領養左豆豆,我就絕對贊成領養,希望所有人都支持領養♪ღ♪░G░O░O░D░N░I░G░H░T░ ♪ღ♪ ☼✿ܓ(｡◕‿◕｡)ღ 多謝分享✿
回覆刪除[版主回覆11/29/2011 14:53:39]支持領養！！！支持領養！！！支持領養！！！
恭喜你有新貓貓，上兩星期我家丁丁不肯食野，小便有血，原來是膀胱發炎
回覆刪除食了兩星期抗生素好了很多。
[版主回覆11/29/2011 23:10:28]咁大單...??? 平時飲水少呀...? 膀胱發炎係咪驗血呀...?
無限支持領養,令無家的動物找到温暖的家,係一件好美好的事情,,多謝你的分享!! ~~ '''''''''' ~~~ 我又有新的手繪漫畫發佈 , 如果得閒黎我個YAHOO BLOG 睇下 ~~~ ''''''''''
回覆刪除[版主回覆12/01/2011 08:24:21]支持領養！我家的小朋友乖巧伶俐，有了他們是我的福氣。。。願身體健康便好！
歡迎豆豆
回覆刪除[版主回覆12/01/2011 08:28:55]謝謝啊！^^
恭喜你，終於放開心結，再養多一隻，小小B真有福，能遇到你這樣好的爸爸媽媽，一定係緣份，吉吉一定會好錫小皇豆！
回覆刪除[版主回覆12/01/2011 08:32:56]多謝你啊！他們相處得不錯。。。可能吉吉比我更需要。。。
真好，是領養的！其實係香港，盡量唔好買貓啦，我見過無數pet shop D貓都係口水鼻涕咁，好無良心。
回覆刪除呢道吊門唔平的（陪朋友睇過），你好大有心呀！做你D貓貓一定好幸福。
豆豆B勁可愛！期待UPDATE！
[Miu Miu 126回覆10/08/2012 13:59:29]我舉腳讚成，做埋晒D販賣動物嘅生意，既不人道，又冇陰功，鬼唔望佢地下一世自已受番晒。
[版主回覆12/01/2011 08:39:16]我地盡量都唔會買吉吉好靚都係好朋友幫我領養架！果一刻！好彩冇買！個吊門最後搵到間公司比較平既。。。冇門巿不過好交帶！如果你朋友想搵，我比個電話你吖！可以問下價，對小朋友們安全著想。。。唔慳得。。。我覺得！
是緣份呀~小小B真幸運呢﹗有小貓B陪, 大家一定會更快復完, 對吉吉都是好事呀﹗恭喜了~
回覆刪除[版主回覆12/11/2011 14:38:46]我有幸見識原來貓是那麼嗲人的，有豆豆其實是我的幸運！吉吉似乎很習慣，我都好安慰呀！
係天安排的, 整定係歸你負責, 隨心吧
回覆刪除[版主回覆12/24/2011 19:33:38]我也有同感啊！是我的，走不了！
睇到"小小B就係喺入面......人渣!!!!!!!!!" 張相真係想喊, D 人點可以咁過份架, 好嬲呀!
回覆刪除豆豆你要快D 退燒, 開開心心在這個溫暖嘅家長大,快樂生活! (我的聖誕願望)
[版主回覆12/25/2011 02:15:05]唔知係咪上天想我學多D有關貓貓既病.... 不過可唔可以唔用咁既形式呀....? 見過既醫生多到呢....好彩而家搵到個信得過既....我地就黎可以做貓醫生啦...短短10個月由吉吉開始耳虱, 之後遇到唔同既仔既爛便,貓瘟, 腎病, 腹膜炎, 發燒, 金錢癬, 眼發炎....夠哂!!!! 我地只係想佢地快樂健康成長....有咁難咩...?
好開心你能接受領養唐貓，對於我來講, 是一過程，由養第一隻貓開始, 全冇想過領養, 第二隻時，想領養, 但不懂途徑, 又找不到合適, 到第三隻就是領養。
回覆刪除