2011年7月24日星期日

覆咗診啦~~~

耳患~~

今日覆咗診… 醫生話魯吉既左耳冇哂事啦…耳骨軟番耳道亦可以放得入鏡… 而右耳仲有一粒粒野仲係硬硬地… 醫生唔建議再用藥因為擔心佢負荷唔倒, 建議停哂所有藥兩星期後再睇情況… 本來今日想打埋支每年既防疫針…不過醫生話早兩星期打果支針會net off支預防針既功效…所以都係下次先打…總算係放心D啦而家….

CC n V V~~

講番D”唔唔”, 我果日發哂矛周圍去貓友既BLOG問埋D屎屎尿尿… 真係好失禮~~而家定D先發現我果日一定係好赫人… 唔好意思呀各位…如果太打攪您地…多多見諒…..

魯吉D”唔唔”係的確比平時軟…已經有痾咁多啦… 仲少咗… 一日一次…”唔唔”兩次尿尿… 我睇咗好幾個網友既回應, 總結係原來每隻貓都唔一樣有D兩唔三尿, 有D一唔兩尿…總之咩情況都有… 多謝樹獺為我整咗個講唔出口既貓事（內有不雅照片）仲有貓友打比我比咗好多寶貴意見同分享經歷…加上其他貓友既不斷既關心…(唔知貓友想唔想我開名…)

我第一次公開寫BLOG, 冇諗過原來網友之間可以有咁溫暖既聯繫同關心…好感動同好感受到人間的確有情~ 多謝您地各位~ 同埋您地既臭臭資訊…

我而家好冷靜啦… 又唔會死… 唔好咁緊張…我同自己講~~~

擒晚開始我地烚雞柳比吉仔食…我地係無飯家庭去到百佳手忙腳亂… “冰鮮雞柳$14左右”…吉爸搵到冰鮮一大包有好多舊$25左右… 我搵到鮮雞柳… 5塊$14左右… 我老公堅持係佢搵到果隻… 我堅持係我搵到果款… 我贏咗!!!! 冇所謂啦魯吉好番唔痾軟便便就得… 多觀察幾日再講…

可以沖涼啦好野~~~

魯吉D毛實在令我好難忍受, 好似好污糟又”立”因為哩個月滴咗好多藥難免會喺Lam毛既時候帶咗D落個身度…今日終於可以沖啦… 急不及待…本來想自己試吓幫魯吉沖涼, 不過都係去多次寵物店沖先… 上次係吉爸帶魯吉去我放工接番佢, 所以冇見過真係點沖… 網友教咗好多…不過我哩D怕事麻煩精都係想睇真人表演一次先…

佢地平時一定要閒日至幫貓沖涼星期六日一般唔接, 我屎都要打電話試吓點知屎好命四點得閒可以過去…呵呵呵…

又出發... 赫C吉...

剪手仔腳仔毛...

剪完開始出迷茫樣...

入浴缸啦~~

開始~~~(原來魯吉好瘦...我見猶憐...)

出好惡樣, 不過生保人喺度唔敢惡出樣... 冇膽仔...

過完2次沖涼液就入蘢...要吹乾啦~~

係咁躲避個風機...

之後作最後修剪同攞番舊綿花出黎...

上咗車之後變咗驚弓之鳥... 係咁打開個口.....

今日魯吉應該好攰... 番到屋企嗲完雞柳就訓啦... 不過唔番自己竇C都係我地視線範圍內.... 傻豬...

7月25日: 魯吉已經冇痾軟便便啦~~~ 好開心呀!!!!
7月26日至27日: 正常便便, 硬硬地, 乾身, 男人食指咁長...黑黑地...

耳患...續

今日覆診醫生話吉仔耳道有改善...不過仲係好硬... 上星期攞咗耳內分泌物去化驗證實冇菌...所以耳仔變硬原因依然未知係咩事...可能係自身免疫系統出現問題...既然有好轉就繼續用藥希望會軟化番...

所以仲要唧多3星期藥... 因為我地冇辦法餵食藥所以醫生建議不如打針可以last 2-3星期...

好!!! 希望係終極3星期!!!!!! 要努力!!!!!!

2011年7月21日星期四

勁打噴嚏... 續

星期日 喺屋企第一次聽倒魯吉打乞嚏… 不以為然仲覺得好佢個樣得意…

星期一 晚返到屋企魯吉隔一兩個鍾就打乞嚏… 開始有D不安…

星期二 晚魯吉隔10-15分鐘就打, 有幾次仲要係連打幾個….即刻上網問貓友同FB問… 原來冇流鼻水就唔算大鑊….多謝Bill媽比提示我…心都定D… 捲耳貓可能本身鼻鼻都唔係咁好….雖然我魯吉唔隻耳唔捲… 不過應該個鼻都麻麻地…

我地即刻採取行動:

1. 熄冷氣

2. 開窗

3. 掃地

4. 抺飯枱

5. 抺茶几

6. 吸塵

7. 比多少少痾毛膏佢食, 驚佢又唔知食咗咩或者吸咗咩都可以痾番出黎…鼻鼻同口口好似應該或者可能咁啱得咁橋係通既….

8. 收起哩幾日新比佢玩既玩具...

幾廿年冇咁做過家務….吸塵機買番黎我都冇用過… 而家為咗魯吉咩都做…折墮囉…. 再係咁落去可能連鍾點都唔使請, 根本日日自己喺度洗呀抺呀咁…自己咪係鍾點囉~~~~ 作屎囉….

星期三 突然腍起寵物店既朋友話如果貓沙既香味太勁, 貓貓可能會鼻敏感… 我地都換咗成個月貓沙… 應該冇問題吖…. 再醒起成個禮拜冇洗皇帝既屎坑… 拿拿臨打比未出門口既吉爸… 叫佢洗咗換埋沙至好走… 點知佢索性唔番工陪皇帝吉… 好明顯原來吉爸都好鬼擔心…

我地都有D唔想咁快又睇醫生… 我地哩兩個月都睇到驚…

攪咗魯吉耳仔成個幾月, 以為耳虱好左點知又耳內壁組織增生…耳道變窄耳骨變硬…魯吉又要打針又要食藥仲要早晚滴耳藥…聽講係最重既耳藥哩既…哩段時間佢已冇咁活潑…眼見佢耳仔好乾淨, 耳骨冇以前咁硬… 啱啱至釋懷咗小小預備星期日去覆診…. 好驚今次又唔知咩事….有D想扮冇事唔睇醫生住…

希望佢其實只係開冷氣空氣唔好冇換貓沙所以會咁…

吉吉實在太命苦…

我唔想佢再受苦啦…可唔可以呀????