二月中，果日EE黎左打掃我番到屋企見吉吉既眼淚好多，不以為然！
第二日，同佢玩完一輪眼淚多到滴落梳化。。。可能係消毒藥水敏感！話說自從豆豆走左之後我收倒貓友意見，豆豆有可能係因為屋企仲有冠狀病毒變左種既病毒所以先會惹倒。。。又有可能打左第一針先會咁。。。咩原因都好！ 一定要全屋消毒仲要買一定殺死病毒既消毒藥水！ ======> TH4 超勁既消病毒藥水，問過診所同醫院！
強勁TH4, 冇必要就唔好用啦!
第一支買既動物用清潔水...
見人人都用, 又買Sun & Sun....不過清唔倒強病毒!
我可以做既就係咁，不過可能係因為咁令吉吉有結膜炎，唔知做咩眼仔無啦啦發炎。。。
病徵：眼睛勁流眼水，多到湧哂出黎；眼蓋內有大量紅根；開始時會用手抓損眼同耳之間既位，因為眼仔唔舒服！咁樣計落應該唔關EE消毒藥水事，因為三星期前已經開始抓眼同耳之間個位仲要損哂！
我可憐的愛兒!!!!!
係咁流....係咁流.....
吉吉係直耳版美國捲耳貓，耳仔結構同其他本地短毛、美短、異短唔同，耳骨係硬既，耳洞比一支牙籤仲幼所以如果污糟有機會自己fing唔到D耳屎出黎，而且返黎之前又有耳蚤，雖然醫好左不過都容易有再問題！ 之所以咁，我地只係以為佢耳仔糟糟，隔日就幫佢清潔耳仔。。。
耳仔係糟糟不過冇臭又個個月滴Revolution應該唔會有耳蚤, 所以都好奇怪點解仲係咁抓到損哂！ 原來係眼仔。。，好彩即刻帶佢睇醫生。。。噓。。。好彩及早醫，阿仔眼仔可能已經唔舒服左成個月啦！慘慘豬！肉赤屎我，慘過自己病！
唧左十日眼膏，謝天謝地!!!! 已經精靈番啦！睇吓!!!!!! Yeah!!!!!!!!!
精靈哂哂哂~~~~~~~~~~~~~
仲要擺post....
八番仲玩甲蟲仔啊~~~
活潑又百厭....
吉吉: 影夠啦! 仲唔快d攞零食過我????!!!
