今日覆診醫生話吉仔耳道有改善...不過仲係好硬... 上星期攞咗耳內分泌物去化驗證實冇菌...所以耳仔變硬原因依然未知係咩事...可能係自身免疫系統出現問題...既然有好轉就繼續用藥希望會軟化番...
所以仲要唧多3星期藥... 因為我地冇辦法餵食藥所以醫生建議不如打針可以last 2-3星期...
好!!! 希望係終極3星期!!!!!! 要努力!!!!!!
皇魯吉.孖.媽的生活軼事
2011年7月21日 星期四
勁打噴嚏... 續
星期日 喺屋企第一次聽倒魯吉打乞嚏… 不以為然仲覺得好佢個樣得意…
星期一 晚返到屋企魯吉隔一兩個鍾就打乞嚏… 開始有D不安…
星期二 晚魯吉隔10-15分鐘就打, 有幾次仲要係連打幾個….即刻上網問貓友同FB問… 原來冇流鼻水就唔算大鑊….多謝Bill媽比提示我…心都定D… 捲耳貓可能本身鼻鼻都唔係咁好….雖然我魯吉唔隻耳唔捲… 不過應該個鼻都麻麻地…
我地即刻採取行動:
1. 熄冷氣
2. 開窗
3. 掃地
4. 抺飯枱
5. 抺茶几
6. 吸塵
7. 比多少少痾毛膏佢食, 驚佢又唔知食咗咩或者吸咗咩都可以痾番出黎…鼻鼻同口口好似應該或者可能咁啱得咁橋係通既….
8. 收起哩幾日新比佢玩既玩具...
幾廿年冇咁做過家務….吸塵機買番黎我都冇用過… 而家為咗魯吉咩都做…折墮囉…. 再係咁落去可能連鍾點都唔使請, 根本日日自己喺度洗呀抺呀咁…自己咪係鍾點囉~~~~ 作屎囉….
星期三 突然腍起寵物店既朋友話如果貓沙既香味太勁, 貓貓可能會鼻敏感… 我地都換咗成個月貓沙… 應該冇問題吖…. 再醒起成個禮拜冇洗皇帝既屎坑… 拿拿臨打比未出門口既吉爸… 叫佢洗咗換埋沙至好走… 點知佢索性唔番工陪皇帝吉… 好明顯原來吉爸都好鬼擔心…
我地都有D唔想咁快又睇醫生… 我地哩兩個月都睇到驚…
攪咗魯吉耳仔成個幾月, 以為耳虱好左點知又耳內壁組織增生…耳道變窄耳骨變硬…魯吉又要打針又要食藥仲要早晚滴耳藥…聽講係最重既耳藥哩既…哩段時間佢已冇咁活潑…眼見佢耳仔好乾淨, 耳骨冇以前咁硬… 啱啱至釋懷咗小小預備星期日去覆診…. 好驚今次又唔知咩事….有D想扮冇事唔睇醫生住…
希望佢其實只係開冷氣空氣唔好冇換貓沙所以會咁…
吉吉實在太命苦…
我唔想佢再受苦啦…可唔可以呀????
不過唔到我想唔想…
擒晚同今晚已經冇聽到魯吉打乞嚏啦...謝天謝地!!!!
不過冇開冷氣幾日, 熱到就死~~~~點算???
多謝各位貓友既關心同建議呀....
請問貓友可唔可以講吓你地既仔仔同囡囡一日痾屎同尿既次數...同形容吓舊屎既狀態呀?
唔知係心理作用定係咩... 擒晚我眼見佢2個鍾內去咗3次厠所...平時晚黑一般只去一次全日一般2-3次... D 屎既狀態係軟身既...佢痾完我就去清埋睇咗D屎一陣...
2011年7月20日 星期三
2011年7月18日 星期一
2011年7月17日 星期日
最愛的鼠鼠...
為咗魯吉我終於的起心肝學點樣喺淘寶網買野…問咗好多人都係一知半解…最後結果係用咗最低風險既OK充值法… 掂哂!!!!
買咗一D玩具比佢玩…發覺哩隻老鼠會令佢極之興奮…唔知係咪因為D毛色同質地同佢自己既差唔多呢? 哈哈哈!!!!
![]()
![]()
![]()
![]()
![]()
買咗一D玩具比佢玩…發覺哩隻老鼠會令佢極之興奮…唔知係咪因為D毛色同質地同佢自己既差唔多呢? 哈哈哈!!!!
鼠鼠真身~~~ 好醜樣..真係各花入各眼...魯吉鍾意佢咩呢...??? 白雪雪一樣果隻理都唔理...
玩唔停...當手球打黎打去...又咬住佢帶佢周圍走...好似想收埋佢又好似想保護佢... 唔明....
鼠鼠一定要喺視線範圍內....
吉媽喺哩個時候走去加水比佢, 驚個噴水池水兜陣間唔夠水流佢又唔飲水~~
八卦魯吉不忘八一八: 唔通又有雞雞食咁荀?
玩攰安置咗鼠鼠係自己間抓屋之後...扒喺度索哂氣... 玻璃枱一陣之後竟然有霧氣....肯家攰死啦~~~
2011年7月16日 星期六
--
訂閱：
文章 (Atom)
