姨姨來了收拾… 我把所有有包包味道的東西拿去消毒清洗… 一般吉吉會到處走負責監督工作… 姨姨在那他便離遠監視… 和包包一起… 但那天他在自己牆角的窩一直沒有出來…. 從早上我們帶走包包後回來….直至晚上8時左右… 姨姨打掃完走了…還沒出來…
吉吉整間房子走了一遍… 走進包包所所看看…又走回自己所所看看….再走到抓抓屋入看… 是在找包包嗎…? 我不知道…. 還站在更衣房門外叫…示意我開門給他… 開了門…他立即找到了我的綠色布手袋….. 伸頭進袋內之後坐在一旁… 望著我在小聲喵喵…. 是上次看醫生包包睡過的手袋… 唯一不能洗的東西…. 氣味還在的嗎…? 那麼久了….
如是者幾天也見他不太自在…. 常跑來跑去… 開始常喵喵叫…
我盡量表現出心情平靜…. 常抱抱和輕吻吉吉… 之後似沒那麼忐忑不安了… 但我們和吉吉的關係卻起了重大的變化….
以前想吉吉正眼望我一眼似乎是一種奢求…
現在吉吉的眼光從不離開我…我站著坐著趟著他的視線都跟著我…
以前一向也是吉吉有自己的空間, 不愛我常踫他….
現在我抱他摸他也不反抗了….而有點逆來順受似的….
以前對我們漠不關心的吉吉現在好健談…常常喵喵叫…. 什麼事都叫… 走路中會叫… 跑完會叫…看著我一會會叫…. 早上準時7點正便進房叫醒我給他罐罐… 星期六日亦是… -_-!
晚上見我去睡連進食中都不顧, 走來看看我是否要睡了…他會坐在門縫間或在房內坐著等一會… 待他認為我睡了便會走….
問過但想再問... 吉吉食量好像大了點... 每天吃2罐濕濕共170g + 1-2條烚雞柳... 晚上吃2條的話早上不會叫我起床... 中午吃乾乾20g左右... 加起一天要吃200多克的食糧... 包包來之前, 一天大約只吃80-90g的乾乾及烚雞柳, 有時給一罐濕濕...吉吉會自動減乾乾量..... 貓友的主子吃什麼糧又吃多少呢....? 我也想轉糧... 為了包包哥哥在吃包包慣食的亁亁我怕不夠營養...以前沒辦法因為包包只吃AVO才不瀉...
買了新地氈... 做左梳化墊...好似幾愛喎...遲d凍d上梳化都唔怕凍親...
媽媽係咪好叻呢... 睇你幾C服... ^^
腳底毛係時候要剪啦...
遲了一點…. 要換季了….
講D開心野... 換季一般程序係先將夏天鞋抺乾淨, 再放冬天既出來….而且要大掃除…今季比上季要掉棄的比較多…. 有3大個垃圾袋…大約20對左右… 係咪重咗?著爛哂D鞋….今次唔放回收箱啦…比朋友笑我: “你D鞋對對2-3吋高, 你唔係諗住叫山區D人著住黎行山吖麻….” 有道理…所以直接掉咗….
突然記起….’那天’… 吉包爸突然走來擁著我說: “對不起, 是我說要養貓的…. 攪成你這樣… 對不起…”. 沒什麼對不起… 帶他們回來就像自己多了兩個心臟… 能不要心臟嗎… 不能!!!!
即使總是才下眉頭卻上心頭… 我從來沒有後悔過用了15分鐘便答應吉包爸收養我這生第一隻寵物吉吉… 也沒有後悔過不架思索便把包包帶回家…. 可能他們生來就是屬於我既…. 應該是…….
到執衫既時候....
剩低既鞋仔好似仲係多咗d...
嘩，妳真係有好多鞋喎
回覆刪除[版主回覆11/02/2011 10:52:18]少左好多啦...上季尾好似有成100對....好顛....不過我冇咩嗜好淨係鍾意買衫褲鞋...有仔之後就轉移左買佢地d野.. 嘻嘻... :p
首先多謝妳關心Lulu的情形，我相信耳虱應該不再來了 ^^ 當你們上班時，吉吉有包包陪伴，現在有點不慣吧！可能想你們陪他多些，所以嗲多了^^ 吉吉的食糧真不錯，我家大帝的食量不及吉吉，無計過佢地嘅食量，乾乾大約一碗半一日，雞柳一條 (叮噹的，Happy唔Like) 濕糧只會在星期六,日食，85g兩兄弟分; Lulu的食量不可跟吉吉相比，雖然佢真係好刷得 =D
回覆刪除[版主回覆11/02/2011 11:02:20]吉吉之前有耳虱...所以有d感同身受....覺得擔心Lulu...而且佢仲咁細.... 可能吉吉係中型貓...所以食得特別多...不過以前佢真係冇咁大食....
咦！有同道中人，我最高峰時都有四對水靴！
回覆刪除吉吉也許是掛念包包，寂寞了，故此黏著爸媽，也是好事，好好享受吧！
[版主回覆11/02/2011 11:05:51]我買水靴係因為夏天可以著裙.... 茁壯既小腿唔使顯露人前吖麻.... 你應該只係因為靚囉.....----受寵若驚呀.... 吉吉真係嗲到暈... 好開心成日比佢注視...呵呵呵
吉吉似乎好清楚知道~~包包已經走咁呀! 我覺得吉吉食量, 就大了1點!
回覆刪除[wongtw65回覆11/02/2011 14:48:02]咁, 都好呀!
[版主回覆11/02/2011 12:05:27]諗住等吉吉情緒穩定d帶佢去做身體檢查.... 到時問吓都好喎...
[wongtw65回覆11/02/2011 11:44:57]唔 '洗' 擔心! 可以, 打電話去問下Vet嘛!
[版主回覆11/02/2011 11:06:47]係啦... 都唔知係咪生蟲...食咁多....會唔會架..?
有冇想過係包包叫吉吉照顧你地？自我家話事貓Batman走了的第二天，Mario（短毛版吉吉）態度180度轉變，由永遠唔會跟我同床變咗晚晚陪我瞓，又扭我攬佢同抓毛，真係難以相信。
回覆刪除[版主回覆11/02/2011 12:08:01]我都覺得吉吉大個仔左...比佢照顧都幾sweet....hehehehehe...
[泰媽回覆11/02/2011 11:42:31]說得對, 可能包包叫哥哥要好好照顧你地!!
[版主回覆11/02/2011 11:08:37]係呀...的確係仲未可以相信...點會咁架....不過好開心...個仔咁嗲... *3*
我覺得吉吉知你地因為包包既離去而唔係咁開心, 所以佢癡你地多d想氹番你!! 點都好, 呢d改變都係好事, 但始終都要留意下吉吉既情緒, 佢可能都慣咗吉吉响身邊架...
回覆刪除我家主子之前食solid gold + royal chain 既 indoor 27, 我覺得都唔錯, 不過最緊要係大帝肯食。
你同我一樣係鞋癡... 我又係超鐘意買鞋, 除咗成個鞋櫃外, 仲有數十個鞋盒既鞋呀... hahahahahaha
[版主回覆11/02/2011 12:11:38]我都成日氹吉吉架... 好溫馨~~~ 自從有仔之後...5月到而家自己d貨冇咩心機入...大細仔d貨一箱一箱係咁唔停入...仲好興奮tim...好明白做阿媽既心情啦而家.....
丟掉些不要的舊東西的確是重整心情的一個好方法之一,吉吉一定係唔慣又一隻貓孤零零掛住小小包包的,貓地好有靈性的!!!!
回覆刪除[版主回覆11/03/2011 17:39:50]係呀...我覺得佢仲未慣... 仲要等... 的確...少d包包既野喺度.... 情緒起伏都冇咁大.....
吉吉的改變，想必是包包送給吉包媽最好的禮物=^-^= 兩兄弟一定密斟了很久，吉吉要活埋包包個份，仲好繼承埋包包對你們的愛，越來越嗲爸媽……
回覆刪除[版主回覆11/03/2011 17:43:07]吉吉的確係同以前好唔同..... 好嗲好嗲...
吉 吉 应 该 是 sense 到 包 包 已 经 不 在 了 ， 心 理 有 点 怕 ， 觉 得 没 安 全 感 ， 所 以 比 较 嗲。 。 。 多 和 他 说 话 和 多 点 抱 抱 会 好 点 的 。 。 。
回覆刪除[版主回覆11/03/2011 17:44:48]我現在常抱他吻他和他說話.... 總覺得他很留戀我對他的注視....
Wow, u really have a lot of shoes.... it must be u like buying shoes la....
回覆刪除I think during the time of 包包's pressence, 吉吉 must have started to really feel how warm it is as a family. So the feeling of being loved and to love others is now in 吉吉's system. Keep on talking to 吉吉 more, comfort and love him more, as he too is griefing as we human are. Did u tell 吉吉 that 包包 will not return, but that 包包 wants everyone to be happy and continue lfie normally?? Cat has strong 6th senses and they could feel the change. Take care.
[版主回覆11/05/2011 14:18:52]而家回應內既再回應收唔倒email通知... 差d miss左...食幾多著幾多整定架.... 嘻嘻...已經節制咗好多架啦... 後生果陣仲離譜....
[Kit Go Mt回覆11/03/2011 21:57:24]Ai yor, in the future must think before u spend your $$ la, as we are facing difficult economic times ahead.... Learn to be a wise consumer la, U can do it!!!
[版主回覆11/03/2011 17:58:55]我真係唔知點解咁愛買鞋.... 顛左既時候可以一口氣買一打...都幾恐怖.... 有仔之後冇咩買至可以減d數量....
[版主回覆11/03/2011 17:49:10]我有呀... 同佢講過啦...始終要時間適應....而家咩都就哂佢...有d縱佢...不過非常時期用非常方法...冇辨法...遲吓再糾正啦.....
吉吉好型 ar！另外，佢真係食好多野下，不過又唔肥好野wor
回覆刪除[版主回覆11/03/2011 17:51:28]嘻嘻...我覺得我個仔愈黎愈有男人味...呵呵....
[版主回覆11/03/2011 17:50:25]近來至係咁...冇咁快肥...只係怕佢生積....唔知貓會唔會生積既呢...
hmmm...我都認為係吉吉唔太肯定包包在那, 所要有些反應, 有冇好認真同吉吉傾過, 同吉吉講, 包包上咗天堂, 暫時吉吉自己一個先, 但有媽媽爸爸陪你....一齊都要平和, 唔好激動...
回覆刪除其實我又冇認真計過呢呢食幾多嘢, 總之每晚都有三份一碗豆豆, 一碗零食, 零食嗰碗梗最快冇晒....咁我都一直fill比佢嫁...可能吉吉大件頭咪吃多囉...別太担心...肯食係好事....
[版主回覆11/03/2011 17:55:19]我有好平和咁同吉吉講.... 佢開頭唔聽之後喵咗幾聲叫我比野佢食... -_-! 吉吉係中型貓...可能正常食量係咁...以前隻乾乾唔通唔愛食所以食得少...?
我反而覺得包包係處討你歡心，佢可能以為你地唔要包包，驚你地同樣咁唔要佢！點解我會咁講，因為之前同波波驗血，收到報告、於是同波波開玩笑話佢咁麻煩，對咁多嘢敏感，仲叫佢返菲菲到（寵物店），即係返去親生貓媽處，波波當時站起身打我，之後嗰幾日一早見到我就扮可愛樣俾我睇！你留心吉吉有咩唔妥，有需要就揾豆丁媽傳心，話佢知包包係去咗彩虹橋，你地係好愛佢嘅！
回覆刪除[版主回覆11/04/2011 14:47:29]等我問吓豆丁媽先...
[版主回覆11/04/2011 14:46:45]波媽... 波波豬咁乖乖你咪再嚇佢啦...嚇親可大可小架..... 我自從知佢地識聽我地講野...我都成日同佢傾計.... 我都有d覺得吉吉係討我地歡心...又冇安全感...
[貓僕人回覆11/04/2011 06:45:40]hmmmmm..係, 做下傳心都好, 順便了解一下吉吉個心態....
之前打的不見了...吉吉要嗲係正常! 少了個伴是會這樣的! 我之桂英就是晨早喵那位. 可是桂花是不會, 佢更加直接跳上我大脾坐, 到床上要是我有蓋被就損入去在我臂灣內睡! 牠的食量看似多了. 牠在1 YEAR OLD留下, 不要過量. 80-90克OK(基於一個體重有8-9磅到). 再加濕糧一個星期內一至兩次(因牠還很年青). 很多人每天給予我認為過多! 且吃下人吃更加不太好! 首先要留意刷牙, 吃得多會有牙石問題! 小心小心!
回覆刪除[版主回覆11/04/2011 14:48:25]而家d獸醫好似話食濕好過乾...唉...好迷...
嘩,你屋企一定好大,我就係屋細唔敢買咁多嘢,還要每季掉很多衫,先可以買新,因無地方擺
回覆刪除[版主回覆11/05/2011 22:55:51]咁... 三層house都唔夠你放喎....嘻嘻
[Maggie BB回覆11/04/2011 15:10:06]我就係有病,唔買唔開心,但睇見STATEMENT就更加唔開心,你都好,只係買衫褲鞋襪,我狗屎垃圾都會買一餐,我真係有購物狂架
[版主回覆11/04/2011 14:49:54]我就黎行都冇位行...屋企大細都唔關事...根本我就有病...吉包爸講既...
我都好鍾意買嘢, 近排鍾意買 cushion 套 ^3^
回覆刪除[版主回覆11/04/2011 14:54:31]睇得出....好明顯啦係咪呀... 有好野都share吓...一齊買...
嘩......你好多鞋呀!!!!!!!!!!!
回覆刪除[版主回覆11/05/2011 22:57:13]減緊架啦....嘻嘻...
腳底毛係時候要剪啦...
回覆刪除hehe, 我都咁話.....:p
[版主回覆11/05/2011 22:58:38]即係又係要受傷或分分鍾冇命既時候啦...
變嗲了和更親你們是好事, 不過要留意下佢有冇情緒問題!
回覆刪除[版主回覆11/07/2011 11:57:56]已吋步不離聽侯皇帝仔差遣... 佢好似好番好多啦....
嘩，好多鞋呢！
回覆刪除[版主回覆11/07/2011 12:00:43]哩種情景以後可能會少見....因為為左個仔已經患上荷包乾硬化...末期....
吉吉可能掛住小包包，有少許情緒病，盡快領養第二隻，好讓情緒回愎過來，對人對貓都會係好事！
回覆刪除[版主回覆11/07/2011 12:01:57]有日遇到...我地可能會...不過唔會主動搵.....吉吉好番好多啦....仲爭d..不過情況良好....
你想同佢轉糧, 我諗你未必咁而喎, 不過我可以介紹我女食開果隻牌子叫" Applaws", 佢幾好呀, 不過我估吉吉多數都係怕一個人, 佢驚會冇埋你地, 你不如試下多多D同佢講嘢同佢玩玩可能會好D, 係呀... 我想知道你點同佢地剪腳毛呀.
回覆刪除[版主回覆11/11/2011 23:47:43]試多幾次就剪得哂手仔腳仔架啦！
[sophie回覆11/09/2011 20:54:57]我女佢都係唔鐘意食佢D罐罐, 淨係鐘意食佢D乾糧, 等我今個星期日去同佢剪, thx
[版主回覆11/09/2011 17:36:34]試過applaws罐罐...吉吉唔愛吃....:( 腳底毛係等佢好貴妃咁坐喺度既時候幫佢剪既...唔強迫...只係自己就位剪....試過幾次啦... 佢開始接受..不過一定要有耐性...
好多鞋 o.O
回覆刪除[版主回覆11/09/2011 17:37:09]你d漫畫好好笑...哈哈哈哈..
好多鞋呀....犀利....閒人的鞋比要的更少; 可能和我沒有時裝觸覺有關吧？嘻~
回覆刪除吉媽有沒有告訴吉吉包包已到天國？吉吉會聽懂的... 告訴牠吧...
吉爸也不要內疚, 吉吉一定會感謝他把牠帶入你們家喲﹗
要加油呀﹗有很多blog友都和你們一起笑和哭的﹗
[版主回覆11/11/2011 23:54:29]我有告訴吉吉啊！不過吉包爸說不要再提起了。。。我們一家現在開始回到以前。。。感到好平靜。。。有某種精神上的支持，的確好重要。。。真的很重要！
吉吉都不斷地成長，知道咩叫愛嘛！
回覆刪除[DauB回覆11/24/2011 22:42:51]個個都掛住佢架啦！ 好明白！
[版主回覆11/24/2011 22:21:05]佢的確好掛住包包......