我不知道...

我有信心，包包過多一個月會冇咁抗拒媽媽；
我有信心，包包會一日一日長大；
我有信心，包包會再度活潑。。。


22/9/2011
7:00am爛便便有乞嚏同索鼻鼻。。。！第四日食黑酵母！一早仲係比緊朱古力味同蜜瓜味抗生素包包食！
今日兩隻八豬仔係咁八呀寬頻哥哥，八左成個鐘好活潑！
今晚又新玩具出黎。。。凳凳凳。。凳---＞ 貓隧道！！！玩左一陣又唔玩！

23/9/2011
爛便便有乞嚏同索鼻鼻。。。！第五日食黑酵母！再食朱古力味同蜜瓜味抗生素！
今日包包冇咩郁，又係全日爛便便~~~唔知幾時開始，兩兄弟一曰要食3-4餐，到時到候就走去開飯區。。。自從包包腸胃有事兩兄弟一齊食i/d處方罐罐，所以唔可以放長糧，驚住我地唔度兩隻仔會餓所以之後買埋i/d處方乾乾日頭比佢地食。。。（問過醫生s都話長期食i/d糧係冇問題既營養都夠架只係清D同貴少少，！）

24/9/2011
第六日食黑酵母，爛便便有乞嚏同索鼻鼻。。。再食朱古力味同蜜瓜味抗生素！
吉包爸媽齊齊病左，吉包爸里排晚晚朝早先訓，唔病有鬼；吉包媽個幾星期前開始氣管敏感，一訓低就咳到停唔倒，近日愈見嚴重，肺都爭D甩埋。。。三日前睇中醫，冇料到訓時咳得仲勁。。。尋日朝睇西醫D藥全部寫有睡意所以唔敢食，先返公司攪埋D手尾就返家訓。。。
比野兩隻小曳豬食，又係食完一陣再返去食。。。吉包媽食完藥頂唔順去訓。。。全日又係食左4餐，餐餐食得唔算多不過加埋都算可以，吉吉成日走埋去清埋D手尾。。。遲可能要叫佢大肥吉！！(^○^)
12：00凌晨左右，吉吉又走去包包坐開既紙箱度攪包包，唔知係咪睇唔過眼佢成日坐度發呆鍾眼訓所以去撩佢呢？

見包包兩隻眼仔紅紅，唔敢細心再睇！

25/9/2011
烏龍媽媽今朝起身懞懞，比左野佢地食唔記得加黑酵母。。。先比朱古力味同蜜瓜味抗生素先！第二餐至比黑酵母啦。。。呵呵呵！！！
我成日以為包包同吉吉其實唔鐘意對方，今日又見吉吉走入包包個蒙古包度幫佢黏毛，我估包包認為自己已經大個仔唔鐘意哥哥咁做實走夾唔抖。。。結果，包包係哥哥幫佢lam毛既中途訓左(-_-)zzz，哥哥好似都訓埋 (-_-)zzz，因為蒙古包好細要容納埋大隻吉有難度所以只見包包粒波波尾壓住哥哥訓左！訓左一陣哥哥返上我地張床訓包包已經訓到豬仔咁啦！*\(^o^)/*
今晚決定比白烚雞柳包包食試會唔會痾番硬便便，上次波豬媽教路吉吉冇哂軟便，不如把心一橫試啦！

忍唔住細心望住包包B對眼~~ 左右眼已經感染哂。。。想喊~~忍住，唔可以比包包見倒~~

26/9/2011
7:00am 冇便便只有尿尿，關唔關尋晚食雞柳事呢？第八日食黑酵母！希望今日會有靚便便！朱古力味同蜜瓜味抗生素仲未食完。。。記得醫生講過因為之前滴眼既藥水好勁，所以令包包持續感冒，所以要先醫好感冒至再滴返眼，不過咁多日好似都冇咩起色，眼水又開始洗返！！又記得另一個醫生話貓感冒可以持續兩三個月，咁即係可能仲要等多一排先會有起色啦！

晏晝返到去，半靚便便！！
27/9/2011
7:00am一早起身衝去睇便便，比尋日更靚！！Yeah!!!!
多謝波豬媽哩個勁正既建議！！多謝哂！
近來朝早已經練到可以一手一腳幫包包食藥！起身先整野比兩隻仔食先要比好少份量溝黑酵母等佢地食一陣確保食哂而且確保吉吉食唔倒包包果份，要坐定等。。。見吉吉食哂要即刻加唔係衰仔轉頭就伸頭去包包度食！衰仔講到食阿媽都冇情講！

夜晚使使有五分一係軟便便。。。好滿意！！！

想幫包包B滴眼，但係佢食飽左就訓。。。唔忍心叫醒個傻B。。。

聽日決定開始比中藥包包食。。。用王老師條藥方。。。咩都要試！！！

28/8/2011 打完比醫院, 都係食埋D抗生素至開始食中藥...
 

包包哩幾日都喺個箱度... 訓先返自己個蒙古包...食野飲水痾痾至出黎...眼仔成日開唔大...

一係坐喺最鍾意既魚魚地毯証面發呆... 下圖係媽媽用跨張既動作撩兩隻仔玩... 唔埋阿媽...  -__-!

最近包包唔光得成日哩埋廚房對出...兩隻衰仔最鍾意近垃圾桶... 作屎....

一知有雞柳食... 煮緊吉吉已經緊張到暈...包包唔知咩事成日見哥哥跑佢又跑... 總之跟住哥哥... (註:房內吉包爸在剪細雞柳中...) 吉吉兩個鈕頭前至食過濕濕... 仲好似幾年冇食野咁... 包包仲係懞懞吓...

我的小包包... 快D好番...活潑番啦...!!!!!!!

哩張今晚影既....超愛!!!!!  兩兄弟一樣既動作~~~~~包包第一次喺大庭廣眾中門大開... 我真係好開心超開心.. 即係佢已經慢慢冇咁有戒心啦!!!! YEAH~~~ 

聽日開始試哩條王老師既藥方.....



補充腹膜炎治療請按此