我和吉吉包包的十個約定

多謝貓友的意見及關心, 感到有莫大的支持和安慰…再次多謝大家…!! 

因為擔心, 所以今日將所有生日約會都推咗…   帶咗吉吉同包包去睇醫生…兩隻仔鬼殺咁嘈, 我將兩個袋對住放之後好神奇地…佢地冇再嗌… 可能見倒對方安心D…

吉吉結果冇事, 冇癬…醫生話大貓抵抗力會好D….  我地放心哂~~~

包包就大鑊D… 有癬, 不過可能係冇傳染性果隻只係因為免疫力低會咁…  醫生話… 眼仔OK, 不過如果仲有好多眼水就要滴眼藥水… 發燒, 食番舊糧都痾爛便, 係腸胃差… 應該係貓瘟… 要食好多藥… 醫生話BB貓免疫力低係會多D病….

返到黎分開咗吉吉同包包, 吉吉周圍揾包包又去聞包包既出街袋以為佢係入面…知道包包喺房吉吉喺房門口等…隔住度門互叫… 包包喺廳食緊藥吉吉喺房撞門要出黎抓門抓得好大力….包包入番房佢衝出黎周圍搵…我諗係搵包包…心都痛埋… 十幾日既感情真係可以咁好…?   定係我諗多咗…?

諗起”我和尋回犬的十個約定” 改成我和吉吉包包的十個約定:

1.    請給我一點時間, 讓我們互相了解大家的要求…

2.    “信賴我” 那對我是非常重要…

3.    你要知道, 無論你如何對待我, 我將永遠不會忘記…

4.    當你因為責罵我不合作, 固執或懶惰之前, 請你想想, 是否有什麼正困擾著我, 或許我沒獲得我應得的食物, 或許病魔正在侵襲我…又或者我的心臟已經太老或太弱…

5.    請偶而對我說說話, 縱使我不懂你說話的內容, 但我聽得懂那是你的聲音在陪伴著我…

6.    當你打我時, 請記得, 我其實擁有可以咬碎你手骨的尖銳牙齒, 我只是選擇不咬…

7.    在我年老時, 請好好照顧我, 因為你也是會變老的…

8.    請別對我生氣太久, 也別把我關起來當作懲罰。  你有你的工作, 你的娛樂, 你的朋友, 但你卻是我的僅有…

9.    在你帶我回家之前, 請記得, 我的壽命只有十至十五年, 你的離棄會是我最大的痛苦…

10.   當我要捱過最辛苦的歷程時, 請千萬不要說 『我不忍心看他這麼痛苦』或者『讓我不在場時才發生』我要你知道, 只要有你和我在一起, 所有的事都會變得簡單和容易接受!!

早排影既, 此情此景要好一陣先可以再見.....

包包既近鏡~~~ 眼仔其實好精靈.... 大個一定係靚仔....呵呵呵...吉包媽唔知醜讚自己個仔.....^^