能給您的只有愛...

從出生到5個月大, 因為尾巴的缺憾所以你並沒有得到BB應得的照顧…媽媽想可能您根本不知什麼是被愛… 我愛您我的小包包… 如果您的生命真的會是那麼短暫, 媽媽不願接受…可是也不得不接受…唯有試著接受… 如果是真的媽媽沒有什麼可以為您做… 只能盡量令你感到被愛被關心被愛護而且要令你的餘生更加感到幸福快樂…. 最重要給你一個安穩飽餐暖枕而且不用爭奪的家…

是福不是禍, 是禍躲不過… 眼淚已經流得太多, 只希望是白流… 不知道不知道不知道….!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 今天心情好了不少… 見包包回復活潑吃喝玩樂精神很好…. 所以想寫一點…其實不只一點…

上星期

包包持續發燒, 打乞嚏, 鼻仔會噴鼻水, 食返舊乾乾會痾小爛便, 耳仔有酵母菌, 左右眼瞳孔大細不一…  好消息係毛毛已經都生番哂啦, 而且眼水已經幾乎冇再流…

我既睇醫生經歷同上次吉吉有耳虱醫唔好既情況有D相似, 只係今次冇搵好多唔同既診所.… 不過依然係好多醫生INVOLVE咗…

原定星期一覆診, 又係因為擔心… 所以早左一日見醫生…. 可以既話我情願哩世都冇去過….

強調係同一間獸醫診所~~~~

星期日:

吉包媽: 想你幫佢睇吓對眼… 一隻好似紅番…之前好咗架?

醫生A: 我再開多一個療程既抗生素比佢繼續食…一般CAT FLU(即另一醫生講既貓瘟)可能會維持2-3個月…而家進展都幾好, 觀察瞳孔發現左眼對光既反應比右眼慢…

吉包媽: 原因…?

醫生A: 我唔知道, 我驚佢係因為腦神經有問題, 一係就係感冒菌引超…你唔係BOOK咗咩…?

吉包媽: 係, 不過我想睇吓你有咩意見先…

醫生A: 我都建議你睇眼專科… 佢好好人架….

星期一:

用兩種儀器觀察咗一陣~~

專科醫生B: 佢雙眼發炎, 係由入面發出黎…. 哩種情況一般只得兩種原因… 一係CANCER癌症一係FIP…

吉包媽: (一呆, 開始驚…) 咩係FIP?

專科醫生B: FIP係Feline Infectious Peritonitis腹膜炎, 貓既同人既唔同…100%會死…

吉包媽: 100%會死冇得醫???????

Dead AIR~~~~~~~~~~~~~ 眼淚已經奪眶而出… 咩都諗唔倒完全接受唔倒!!!!!!!!!!!!!!!!!!!

專科醫生B: 係, 我覺得轉介你去內科會好… 我而家開2支眼藥水比你返去滴一星期後覆診…我幫你睇吓佢得唔得閒… (唔係話100%冇得救咩…? 仲覆診… 吉包爸心諗)

跟手出咗去…之後返黎話: 醫生C放緊假我搵咗醫生D幫你睇, 佢係SENIOR好有經驗… (醫生D即係我地上之醫生A放假我地見果位醫生…即係話包包貓瘟果個)

醫生D: 佢隻眼好唔正常, 你睇佢既眼白周圍有D野浮咗出黎係病毒… 我地懷疑佢FIP…只要驗血睇吓指數比例就一般會知…

吉包媽: 好… (已經六神無主, 其實好唔想…包包B咁細點解要受哩D抽血之苦…)

30分鐘後~~~~~

醫生D: 驗血報告唔可以肯定係唔係…主要拍睇既指數係GLOB (54g/L {28 – 51})高咗唔係好多所以唔肯定…FIP係由Coronavirus (冠狀病毒) 轉化而成, 我建議再做一個超聲波跟住再抽多兩筒血去檢Cornavirus 同 Toxoplasma (弓漿蟲)兩個test都要送出去外國驗...

又抽血…??  已經心痛到死…仲抽??  我用無助既眼神望住吉包~~~

而吉包爸亦已經忍唔住: 醫生!!! 你頭先唔係話驗完血就知咩…? 點解仲要抽血? 唔係都幾乎可以肯定既咩…?  點解仲要照超聲波, 照完又肯定咁點? 驗完兩支血返黎係咪一定肯定??????

醫生D: 而家既科技未有一種檢查可以百份百肯定FIP我地只可以用檢查去排除其他因素至可以得出係唔係FIP…如果真係…有D可以生存多幾日有D幾個月…隻隻貓唔一樣…不如我先抽佢一筒血存喺LAB度再比D抗Toxoplasma既藥佢食住先, 過兩日係考慮咗要驗既我就可以即刻幫你送出去….

去到哩度~~~ 我已經接近崩潰……………… 都未驗就又食藥抗Toxoplasma????? 點會咁架…?????

吉包爸比較清醒, 話唔再抽血唔再加藥…尋日個醫生已經比咗藥今日又再加藥…???即刻打比貓醫院想攞多個醫生意見…比完$攞哂所有報告叫佢fax去貓醫院睇開果個醫生放假, 另一個醫生網上講都ok, 所以帶咗小包包返家食d野休息吓痾吓就再帶佢出去…

包包已經驚到CC吓…又出去… ? 叫到傻咗…慘慘豬~~~

睇完報告, 問完背景…

醫生E: 香港仲未有確診既測試, 不過即使有確診咗又如何, 真係FIP冇得醫… 唔係既你地自己又驚餐飽… 咁又何苦呢?  你地使一大筆錢去CHECK都係冇意思既… 佢眼仔發炎咪醫囉…你地既眼藥水同藥膏OK照滴先啦, 當佢冇事咁…包包又開心你地又開心… 如果你地唔開心包包會知架… 對佢既病情一D幫助都冇反而佢會以為自己有咩事影響情緒, 病情仲會更加惡化… 佢發緊燒, 我幫佢打支針退咗燒先啦~~ 要食抗生素… 係咁多, 唔好比太多藥佢食啦…會令佢唔開心…. FIP本身係唔會傳染既, 如果包包鍾意既咩都比佢做啦… 鐘意吉吉咪比佢地一齊囉… 最緊要令佢開開心心….不過如果開始抽搐…. 就要開始決定………………………..

我本身好BUY哩間醫院吉吉都係睇哩間, 不過吉包爸話九龍既話BB地睇醫生唔使捱咁長時間車…所以先揀哩間… 但無論如何…我地以後都會睇貓醫院.… 吉包爸唔去我自己去!!!!

睇完一整日醫生既小包包未番到屋企已經訓到豬仔咁…訓得好甜~~~訓喺我大肶…我都好甜… 佢第一次肯同我咁近…番到屋企依然都係好攰…不過唔知做咩…第二日開始日日都好活潑好精靈… 我而家心情好番好多… 我覺得包包會好番既~~~ 佢會!!!!!!!!!  一定會!!!!!!!!!!!!!!!

點都好~~~ 凡事向好既方向諗…. 我相信包包會為咗我地慢慢好番既~~~~~~~~~只要信不要問!!!!!!!!!!!!!!!!!!!!!!!!!!!!

包包近照...

右側面...

走佬中...8-2 面...

左側面...嘴仔毛毛生哂出黎啦... 下巴仲有DD稀疏..

小可愛...八卦豬仔...

小八豬....

哥哥睇緊爸爸吸塵.....