18Sep2011
3：45pm 覆診，已經決定左今次係最後一次帶包包出街！
Dr.Maggie話：你睇吓佢隻眼有既白色浮游物係蛋白質喺眼唔散，哩種反應同瞳孔周圍既增生物係好罕見既情況，99%係FIP, 西方既醫學未有藥可以醫。。。
吉包媽：可以食黑酵母嗎？
Dr. Maggie話：冇壞既，雖然西方冇藥物可以醫！東方既雖然話冇數據支持但我有聽過情況改善既Case...
即刻撲去買！！！
6:30pm 晚上黑酵母溝濕糧，可能外出幾小時包包顯得好疲倦，唔係好郁，又唔肯番自己房。。。打乞嚔，噴鼻水依然。。。（三星期前患感冒，開始分開吉吉同包包，放包包喺書房，有大窗空氣比換衫房好好多，希望舒緩佢既鼻鼻同眼水既問題！二星期前開始有限度放寬每日3-4個鐘同吉吉見面！上星期開始8-10個鐘一齊）(^.^)
19Sep2011
6:30am 靚便便！全日仲係好累既樣，成日訓，有食同飲份量ok。。。夜晚媽媽同佢講左兩三次唔再帶佢出街，唔睬！好似好驚驚媽媽唔比摸手仔。但神奇地媽媽轉頭摸哥哥，佢竟然喺個籃跳出黎訓喺哥哥個身度，哥哥又點會放過佢，捉住佢又咬又舔。。。(¬_¬)
都好！總算有郁動吓！打乞嚔，噴鼻水依然。。。不過少左好多！
本來想開始放包包夜晚出黎不過吉吉夜晚一般特別活潑係咁攪住包包，吉包爸唔忍心見包包冇得訓冇得休息，抱番包包入房，點知吉吉飛奔入包包房上左書枱唔願走，吉包爸放好水同糧想抱吉吉走，衰豬竟然發惡咬爸爸。。。之後嬲左爸爸訓都唔跟爸爸入房叫極唔應借左聾耳陳隻耳(^O^)
20Sep2011
6:30am 爛便便，之後係第三日撈黑酵母同濕糧好愛吃！一日只係朝早果餐加黑酵母，因為包包痴住哥哥食野又成日互相食對方果兜糧所以兩件每貓食1／4既分量。。。黑酵母應該幾好味！一於有病醫病冇病強身！包包只係打左三次乞嚔，噴鼻已經冇，不過有D鼻塞咁。。。(^_−)−☆
今日食得吓，早午晚三餐食id濕濕比平時食得多左，夜晚同佢地玩鼠鼠同羽毛棒棒，活潑左D啦！玩左一陣又走番紙箱仔呆坐休息。。。(-_-)zzz
21Sep2011
7:00am 7：00pm,爛便便。。。今日冇咩打乞嚔，噴鼻水。。。不過鼻鼻唔知係咪冇鼻水乾得滯損左，眼角又損左！唔知點解！不過都仲好肯食同飲！
買左既玩具今日搬左一舊番黎，玩左一陣唔玩又番自己個竇休息。。。
成日痴住...
哥哥係八豬仔既踏腳石...(留意手仔...) 吉吉好無奈....
墊完又賴親熱咁....
各自坐...腳仔都要痴住...
哥哥忍唔住要撲啦~~~
見包包冇哂活力...吉吉走去陪包包坐...
見悶....
今晚既相....包包跑住去八...哥哥近來長大咗... 唔同包包爭玩...
(吉吉而家仲有個習慣, 佢鍾意留意包包去所所, 之後仲一定堅持幫佢埋好d唔唔同尿尿...成日覺得包包唔識...)
坐住玩具住唔願走...
兩隻好奇傻豬好....
一齊入去玩....
2 樓的包包....行色匆匆
地下的吉吉... 有d唔啱玩...樓底太低....
我信愛會係最好嘅藥 , 包包一定會好番, 陪住你地同吉吉, 永遠幸福快樂
回覆刪除[版主回覆09/22/2011 13:43:44]好唔好得番要靠佢意志力...我諗....我想比多d野佢玩等佢覺得開心d...希望work啦~~~
包包有你地好幸福！佢同吉吉果種關係就好似兩父子咁...
回覆刪除[版主回覆09/24/2011 17:25:10]我都覺得係囉...好鬼多事... 仲成日嫌包包lam毛唔夠乾淨...係咁幫佢lam全身...包包唔鍾意就走貓...固執吉一手捉實佢繼續lam直至佢覺得乾脆...包包次次都唯有逆來順受....包包:唉~~~ lam啦lam啦...冇你咁好氣....
[樹獺回覆09/24/2011 02:22:06]哈哈哈...吉吉可能驚包包冇手尾, 想教佢做隻干淨既乖貓！我家俊都係咁嫁.....我覺得佢好多事囉.......嘻嘻......嘻
[版主回覆09/22/2011 13:47:24]我都好奇怪吉吉對包包既舉動好似監護人咁... 做咩成日攪包包個所所呢...? 包包痾緊佢就坐係所所門口望... 一係已經伸手去幫佢埋d唔唔V V, 一係等佢走左成隻入哂佢幫佢攪...貓媽媽係咪咁教貓BB架..?
希望, 包包情況能夠盡快得到改善! 辛苦晒你哋嘞, 加油呀!!
回覆刪除[版主回覆09/26/2011 21:46:48]呵呵呵....^^
[wongtw65回覆09/26/2011 07:01:52]攪到你誤會添!
[版主回覆09/26/2011 00:09:37]我以為又係C鴉烏做既好事....呵呵....^^
[wongtw65回覆09/25/2011 21:52:36]係壞習慣~~難改!
[版主回覆09/25/2011 21:28:16]點解你個卜d字會成日中間斷開既...? 特登架...?
[wongtw65回覆09/25/2011 21:20:54]yea.... ....!
[版主回覆09/25/2011 21:18:12]所以話, 唔使驚, 貓友喺大廳!!! 呵呵呵~~~^o^
[wongtw65回覆09/22/2011 16:01:07]我都一樣咁諗呀, 發覺依喥係有好多援手!
[版主回覆09/22/2011 14:20:30]我都覺得遇到包包係我既幸福...而遇到你地一大班貓友係我既幸運...
[wongtw65回覆09/22/2011 14:17:17]好開心, 包包能夠遇到你哋呀!
[版主回覆09/22/2011 14:00:32]我覺得肯食肯飲就好...同哥哥一齊食多咗野...成日要食哥哥果盆糧... 好好笑... 其實係同一樣既野...就係知佢成日隔離飯香....^^ 如果為左包包好番...辛苦會過而且值得...
包包豬要叻叻呀 ~ 我之前轉載過face book一個小朋友, 叫JimJim, 唉, 都疑似FIP, 努力當中, 佢暫托媽媽係貓義工, 好有經驗, 去同佢交流下, 一齊努力呀. 另外, 尊善會(貓)嘅王老師, Beth Wong, 剛剛post咗一張中藥方for FIP, 你快啲去睇下. FIP係無得醫, 但我信 ~ 愛有奇蹟 ~ , 包包愛哥哥, 愛爸媽, 佢自己都會俾心機架 !
回覆刪除http://www.facebook.com/media/set/?set=a.1945327036803.98257.1351335363&type=1
http://www.facebook.com/photo.php?fbid=10150316658600798&set=a.10150274089295798.351577.587555797&type=1&theater
[版主回覆09/22/2011 14:09:27]唔該哂呀你呀細妹......加左佢做朋友啦...我今晚返去睇吓...我會比罵酵母比包包食先...睇情況再轉靈芝胞子...等等...咩都試吓..不過諗住食完一樣先一樣...佢始終係BB我驚佢受唔倒...
吉吉很愛錫包包呀
回覆刪除而包包又好痴哥哥呀
[版主回覆09/22/2011 14:10:15]我都好安慰...吉吉唔撲包包既時候... -_-!
吉吉真的長大了，懂得關心包包，這個仔真乖 ^^ 包包有哥哥的正能量，一定會健康成長 =^^=
回覆刪除[版主回覆09/22/2011 14:11:46]希望佢唔為我地兩老都為哥哥而努力啦...始終哥哥同佢相處既時間比我地多每日多幾個鐘....
放心啦，玩玩下唔覺唔覺吉吉就會好番曬咖喇。
回覆刪除[版主回覆09/22/2011 14:12:41]我都係咁諗.... 就好番架啦!!! 比D時間包包~~~~
我記得家父同我講過,如果貓狗有病,但重肯食,就唔怕,唔洗理d病,一於當包包正常,冇病冇痛..
回覆刪除繼續食黑酵母.....
[版主回覆09/22/2011 14:15:27]醫生都話...如果包包已經唔肯食野就要決定....所以我仲抱希望... 姑娘話...一般以前既經驗... 一個月左右....
还 好 包 包 有 胃 口 吃 ~
回覆刪除相 信 他 会 没 事 的 ！
[版主回覆09/22/2011 22:55:42]我都希望佢快d冇事....
佢雖然有FIP，但keep得好，抵抗力強，都可以好長命
回覆刪除[版主回覆09/22/2011 22:56:45]我有同樣既信念... 1至2個月....就知....
好耶！包包豬的情況有改善，吉包媽愛的付出是有回報的。慢慢地……包包豬就會好返噻咖啦！
回覆刪除[版主回覆09/24/2011 17:33:27]係呀...逐樣試... 試有朋友試過既...再試網上流傳既....
[Luckymeow回覆09/24/2011 05:50:52]唯有不放过任何可能帮到包包的机会！加油…一定会好过来的！！！
[版主回覆09/23/2011 21:05:17]反反覆覆...希望下星期會穩定d啦~~~
唔好理時間有幾多, 總之日日都陪住吉包一齊過, 只要記住開心日子, 咁好快就大個仔無事....加油~ 加油!!!
回覆刪除[版主回覆09/24/2011 17:36:21]我地都一直留意緊包包有冇大隻咗...不過好似差唔多咁...遲d可能突然大隻咗都唔出奇....^^
呢幾日包包食量如何...
回覆刪除[版主回覆09/26/2011 21:50:39]而家香港都唔太凍...ok 二幾度...遲吓竟要攪啦...不過電熱墊好似好危險... 我地兩個都敢用...想買小春日和(日式茶几)...不過未搵倒...
[貓僕人回覆09/26/2011 01:19:08]如果吉吉唔肯同包包瞓, 我諗你要買電熱墊,因為怕包包頂唔順...
[版主回覆09/25/2011 21:25:19]佢地成日一齊坐, 不過好少一齊訓... 多數係吉吉lam lam吓包包一齊訓著咗...好攪笑... 我都諗點樣佢地會暖d...有冇建議呀....?
[貓僕人回覆09/25/2011 15:00:07]有冇比包包同吉吉瞓 ? 既然唔傳染,可以一齊瞓, 包包會有安全感d , 又暖d, 吉吉又可以照顧包包....係....儘量比包包食多d.....
[版主回覆09/25/2011 14:23:26]一日3-4餐... 每次食少少... 有時餓冇濕濕食就去食少少乾乾... 都ok架...加加埋埋...係冇初初咁大食囉...不過都肯食...有時食食吓去痾, 痾完唔記得自己食緊野...我就抱佢番去食...佢又繼續食囉....好彩仲肯食...哩排轉天氣我驚佢又冷親加咗厚墊喺佢個竇度...希望佢暖d冇再加重感冒啦.... 我今晚開始量吓d野食...睇吓佢到底一日食幾多....
憑着愛，我信有出路.......
回覆刪除[版主回覆09/26/2011 21:52:07]我都本住哩個信念... 希望大步檻過...
您們好否考慮試服中藥呢？？
回覆刪除[版主回覆09/28/2011 13:49:48]為安全起見, 打咗比醫院... 建議食哂抗生素先考慮其他....所以再食多5日抗生素先開始食中藥....同吉包爸商量吓先....
[粒仔豹回覆09/28/2011 08:28:01]太好了！請注意份量，如要服西藥，記住要隔數小時才可餵中藥！
[版主回覆09/27/2011 21:39:01]王國霞老師有張腹膜炎藥方...我地聽日開始比佢食....老師話有效...
我的貓咪患了嚴重口腔病同糖尿病，現服中藥粉，血糖已穩定下來，口腔情況也改善了！但一定要比耐性，中藥調理是需要時間的！
回覆刪除[版主回覆09/30/2011 18:42:56]係呀..所以而家食好多餐...... 不過唔係冇咁好胃口啦已經....
[粒仔豹回覆09/30/2011 15:07:20]其實服什麼藥都好，記住讓貓咪食飽飽才餵藥，否則會傷胃，如貓咪感覺不舒服就不再進食了！
[版主回覆09/27/2011 21:40:46]如果可以有改善時間唔係問題.....
無問題呀，包豬不知幾精靈！ 吉少你咬爸爸....... 大力D，EE支持你，wakakakaka........！
回覆刪除搵日去你到同佢哋影相呀！
[版主回覆09/27/2011 21:41:42]好呀... 快d黎啦~~~
希望包包病到藥除! 開開心心和你們一齊生活..........
回覆刪除[版主回覆09/27/2011 21:42:43]我都好希望...
AH LOK- WHO AM I ???
回覆刪除[版主回覆09/27/2011 21:45:46]嘩~~~ 大海撈針咩....又見唔倒email.... 開名啦... 用私人回應唔該....
我久不久上可是見你不太寫. 原來你存一大堆...我想如果家中有隻猫係較為穩定性格, 那自己令一隻會很想貼緊牠. 就像桂花較為沈靜以桂英較為活潑. 那桂英就會對牠像大家姐般尊敬! 那自然吧..桂花也是老大!
回覆刪除[版主回覆09/29/2011 23:09:56]我而家日日用手機寫低情況... 驚過一陣唔記得....
嘩.......第三張, 他們好close 呀!可喜可賀! ^^
回覆刪除[版主回覆10/06/2011 21:21:50]吉吉唔蝦包包既時候都幾錫佢既... 嘻嘻...
吉爸媽要加油﹗
回覆刪除[版主回覆10/07/2011 23:33:13]多謝你呀...