耳患...

今日是魯吉喺新屋企啱啱滿兩個月...亦係覆診既日子。  亦係我地相當擔心既日子….

用過Frontline一個月改用Revolution醫生話Revolution對耳虱好D如果貓成日出街就Frontline適合D…咩都要試…希望佢快快好番…

兩個月足足睇咗超過十次醫生…上次醫生話耳虱(蝨)已經好番哂…不過要keep住洗耳仔, 唔使日日洗隔2-3日就可以… 唔使覆診架啦…

我地哩D咩都唔識既為安全起見一星期後都係再帶吉吉番去double confirm係咪真係好番哂….總係覺得佢耳仔分泌物特別多… 耳殼同耳外既光禿禿位都有啡色既污積… 我地冇養過小動物只係單用直覺…可能貓耳本來係咁既…不過問過朋友人地D貓耳好乾淨架喎…有D連耳仔都唔使洗….點知第二個當值醫生話佢既耳道窄到連鏡都放唔倒入去睇…佢仲話應該係耳壁組織增生所以耳道窄得好緊要….建議出九龍有內窺鏡既診所Check如果有事就即刻做手術…

又做手術??? 上次避過一次唔洗動手術清洗耳仔…今次又黎???? 唔通吉吉真係咁慘一定要做手術????  一歲貓仔早幾個月比人絕育已經麻醉過一次...而家又要麻醉???

我地當場崩潰!!!!  我地只係安全起見黎再確認姐…本來根本就唔使黎….點解會咁架…?????? 上星期都話冇野架????????????

第二日…吉爸帶吉吉去九龍大診所… 個醫生幫吉吉睇咗話唔使照內窺鏡只係腫又唔係入唔倒鏡咁嚴重不過係有增生….洗咗耳仔就放佢走啦….醫生仲以為吉吉係女仔...話男仔既話頭應該冇咁細... 而且佢既耳道應該係比一般貓窄D....

我地再番去自己診所搵番之前睇開既醫生…佢話上一次幫吉仔睇冇咁差架…. 醫生仲叫我地自己摸吓…耳道係硬既….我一向負責做捉實果個所以唔知以前係點而家有咩唔同…醫生話有可能係內耳發炎不過抽唔倒組織因為係喺耳最入面…要割開既攞到出黎化驗, 知道係咩菌至可以對症下藥… 佢話哩D唔會係一時三刻有既…應該一直都發緊炎…只係到哩個階段已經變嚴重姐….

醫生仲問我地有咩食既用既同平時唔同咗… 我地只係用完一支洗耳水買咗第二款…同埋有比零食乾魚仔佢食…係哩兩個禮拜發生既…其他冇咩啦….

上星期開始醫生用重藥…要洗耳加唧藥膏仲要食埋藥一於雙管齊下…仲要隔2-3日用生埋鹽水洗耳….如果仲係唔得就要做手術割咗D增生部分出黎…

過咗3日之後耳仔開始好乾淨冇哂分泌物…我地覺得佢好咗好多…希望覆診冇事唔使動手術啦….